სახელმწიფო აუდიტის სამსახურის ხელმძღვანელი გუშინ მომხდარი თავდასხმის დეტალებს იხსენებს და მომხდარს პირად ანგარიშსწორებას უკავშირებს.

"ეს იყო პირადი ანგარიშსწორება, რომელიც უკავშირდება კონკრეტულ საქმეს, სადაც ოთარ ფარცხალაძის სახელი და გვარი ფიგურირებს,“ - აცხადებს თორდია ,,ნიუპოსტთან".

მისი თქმით, ოთარ ფარცხალაძის აგრესია იმ საქმემ გამოიწვია, რომელსაც მისი უწყება სწავლობს.

,,აგრესიით გამოირჩეოდა და მითხრა, თუ რატომ ვაგროვებდი მასზე კომპრომატრებს და როგორ ვაპირებდი ცხოვრების გაგრძელებას ვადის ამოწურვის შემდეგ. მე მას ვუთხარი რომ მას არ ჰქონდა უფლება ამ ტონალობაში ასეთი შინაარსის განცხადება გაეკეთებინა, რაზეც ფარცხალაძეს თანმხლები პირი გამოესარჩლა, რომელმაც გვერდიდან დამარტყა. შემდეგ 5 ადამიანი ჩაერთო ამ ყველაფერში" - განაცხადა თორდიამ.

მისივე თქმით, კარგია, რომ შსს-მ გამოძიება დაიწყო. თუმცა როგორც ,,ნიუპოსტს" მან განუცხადა, ჯერ მისი დაკითხვა არ მომხდარა.

სახელმწიფო აუდიტის სამსახურის ხელმძღვანელს 12 მაისს დაესხნენ. შემთხვევა თბილისში, შარდენის ქუჩაზე, მდებარე ერთ-ერთ ღამის კლუბში მოხდა.