პრეზიდენტი "ოცნებას" მოუწოდებს არ გაიმეოროს შეცდომა რომელსაც ყველა ხელისუფლება უშვებდა

პოლიტიკა - 14:22, 13 May, 2017

2256

საქართველოს პრეზიდენტი მმართველ გუნდს მოუწოდებს, გადახედოს საქართველოს უახლოეს პოლიტიკურ ისტორიას და არ გაიმეოროს "ნაციონალური მოძრაობის" მიერ დაშვებული შეცდომა. საქმე ეხება საკონსტიტუციო ცვლილებებს, რომელიც პრეზიდენტის განცხადებით მმართველმა გუნდმა ხელისუფლებაში ყოფნის გახნგრძლივების მიზნით დაიწყო. გიორგი მარგველაშვილი მიიჩნევს, რომ კონსტიტუციის პროექტის ცვლილება ხელისფლებაში დარჩენის მიზნით წამგებიანია და ამის ნათელი მაგალითი "ნაციონბალური მოძრაობაა" რომელმაც ხელისუფლებაში ყოფნისას კონსტიტუცია შეცვალა, ცვლილებები კი უკან მოუტრიალდა.

"პირველი წელი არა ვარ პოლიტიკაში და პირველი პროცესი არ არის ეს კონსტიტუციის ცვლილებებისა, რომელსაც ვაკვირდები. ვისაც დაუწყია კონსტიტუციის ცვლილებების პროექტი ყველას ეგ ედო თავში, რომ რამენაირად გავიხანგრძლივო ჩემი ხელისუფლებაში ყოფნა. იმ ძალებს, რომლებსაც სჯეროდათ, რომ აი ამ კონსტიტუციას რაღაცას მოაკვარახჭინებდნენ და ამითი გაიხანგრძლივებენ ხელისუფლებაში ყოფნას, სწორედ ისინი კარგავდნენ ხელისუფლებას და მერე ირტყამდნენ თავში, ასეთი არადემოკრატიული კონსტიტუცია რატომ შევქმენით, ჩვენს წინააღმდეგ მუშაობს ის მუხელებიო. ეს არის ის ჭეშმარიტება, რომელიც ერთხელ მაინც უნდა დაინახონ პოლიტიკოსებმა. მე იმედი მაქვს, რომ მმართველი პოლიტრიკური ძალა, აიღებს და შეაფასებს ვითარებას. "ქართული ოცნება" შეაფასებს ვითარებას და თუნდაც გაიხედება უკან, ძალიან უკან კი არა, 15 და 20 წლით უკან კი არა, აგერ არ იყო ნაციონალური მოძრაობა, რომ ეგონათ ყველაფერს აკონონტროლებდნენ და კონსტიტუციაც მაგ რეჟიმში შეცვალეს და მათ მოუტრიალდათ ეს ცვლილებები უკან. მარტივად შეხედავენ ამ გამოცდილებას და მიხვდებიან, რომ ხელისის გადაგრეხვა ამ ქვეყანაში, ხელის გადაგრეხვას, იმის მტკიცებას, რომ მაქვს შესაძლებლობა და გავიტან ჩემს სიმართლეს, ამაზე ბევრად უფრო კარგი გზა ხელისუფლებაში დარჩენისთვის არის სხვებთან თანამშრომლობა. რეალურად საქართველოში ეგეთი ხელის გადაგრეხვით ვერავინ ვერ გაჩერდა და თანამშრომლობით კი პოლიტიკურმა ძალამ შესაძლოა წლები გასტანოს"-განაცხადა პრეზიდენტმა ტ/კ ,,დია"-ს თოქ-შოუ "კვირის რეალობაში" სტუმრობისას.