"კონსტიტუციაში 2010 წელს გაკეთებული ჩანაწერები, პუტინიზაციის შეუმდგარი მცდელობა იყო"- მათიკაშვილი

პოლიტიკა - 15:20, 12 May, 2017

1253

საპარლამენტო უმრავლესობის წევრი დავით მათიკაშვილი, 2010 წელს კონსტიტუციაში შეტანილ ცვლილებებს, პუტინიზაციის შეუმდგარ მცდელობად აფასებს. აღნიშნული განცხადება მათიკაშილმა თელავში საკონსტიტუციო განხილვის დროს გააკეთა. მისი თქმით, 90-იანი წლებიდან დღემდე, ქვეყანას საპარლამენტო რესპუბლიკაში ცხოვრების ტრადიცია არ ჰქონია.

„საქართველო ან ნახევრად საპრეზიდენტო, ან საპრეზიდენტო რესპუბლიკა იყო. შესაბამისად, ის ჩანაწერები, რომლებიც კონსტიტუციაში 2010 წელს გაკეთდა, პუტინიზაციის შეუმდგარი მცდელობა იყო და ამას ხაზს ვუსვამ. მადლობა ღმერთს, რომ ეს ისე არ მოხდა, როგორც დაგეგმილი იყო, მაგრამ კონსტიტუაცში ჩანაწერები გაკეთდა და დიდი აღრევა იყო პრეზიდენტის არჩევის წესსა და მის უფლებამოსილებას შორის. ისეთი ჩანაწერები იყო, რომლის შეცვლასაც წინა ხელისუფლებას ვენეციის კომისია სთხოვდა. იმ სახის რეგულაციების შემოღება ხდება, რომელიც ქვეყნის დემოკრატიის განვითარების სურვილს და პრინციპებს განსაზღვრავს. საპარლამენტო რესპუბლიკის გამოცდილება არ გვქონია, თუმცა იმის აღქმა რთული არ არის, ეს რა მიზანს ემსახურება. ჩვენი მიზანია, ქვეყნის სწრაფი და დემოკრატიული განვითარება.“ - გაანცხადა მათიკაშვილმა.