გამოკითხულთა 64% მიიჩნევს, რომ საქართველოში სამხედრო სამსახური სავალდებულო მხოლოდ კაცებისთვის უნდა იყოს

გამოკითხულთა 64% მიიჩნევს, რომ საქართველოში სამხედრო სამსახური სავალდებულო მხოლოდ კაცებისთვის უნდა იყოს - NDI

პოლიტიკა - 11:43, 12 May, 2017

6096

ეროვნულ-დემოკრატიული ინსტიტუტის მიერ ჩატარებული გამოკითხვის მიხედვით, 64% მიიჩნევს, რომ საქართველოში სამხედრო სამსახური სავალდებულო მხოლოდ კაცებისთვის უნდა იყოს.
18% მიიჩნევს, რომ საქართველოში სამხედრო სამსახური კაცებისთვისაც და ქალქებისთვისაც უნდა იყოს სავალდებულო, 16% მიაჩნია, რომ სამხედრო სამსახური არ უნდა იყოს სავალდებულო.
კითხვაზე - ეთანხმებით თუ არა, რომ საქართველოში სამხედრო კარიერას ირჩევენ, რადგან ჯარისკაცებს სტაბილური შემოსავალი აქვთ, გამოკითხულთა 88% ამ მოსაზრებას ეთანხმება, 7% კი ამბობს, რომ არ ეთანხმება.
გამოკითხულთა 77% მიიჩნევს, რომ საქართველოში ხალხი სამხედრო კარიერას იმიტომ ირჩევს, რომ მათ სხვა ალტერნატივა არ გააჩნიათ, 16% აღნიშნულ შეფასებას არ ეთანხმება.
63% აცხადებს, რომ სამხედრო კარიერას იმისთვის ირჩევენ, რომ მათ საკუთარი ქვეყნის დაცვა უნდათ, 31% კი ამას არ ეთანხმება.
გამოკითხულთა 57% სამხედრო კარიერის არჩევის საფუძვლად ასახელებს იმას, რომ მათ მოსწონთ სამხედრო სფერო, 32% კი აღნიშნულს არ ეთანხმება.
გამოკითხულთა 52% მიიჩნევს, რომ სამხედრო კარიერას საქართველოში ირჩევენ, რადგან სამხედრო სამსახური პრესტიჟულია, 41% კი ფიქრობს, რომ ასე არ არის.