ეროვნულ დემოკრატიული ინსტიტუტის მიერ ჩატარებული საზოგადოებრივი კვლევის შედეგები ცნობილია.

კითხვაზე - თუ საქართველო ახლა შეიტანს განაცხადს ევროკავშირის წევრობაზე, როგორ ფიქრობთ, როდის გახდება საქართველოს ევროკავშირის წევრი, გამოკითხულთა 21% ფიქრობს, რომ 5-10 წლის შემდეგ.

20% მიიჩნევს, რომ თუ საქართველო ახლა შეიტანს განაცხადს ევროკავშირის წევრობაზე, ევროკავშირის წევრი მომავალ ხუთ წელიწადში გახდება. 18% ფიქრობს, რომ 10 წლის შემდეგ, 10% კი არასდროს. პასუხი არ აქვს 32%-ს.

კვლევის საველე სამუშაოები 7-28 აპრილის პერიოდში ჩატარდა. საქართველოს მასშტაბით (ოკუპირებული ტერიტორიების გამოკლებით) ​წარმომადგენლობითი შერჩევის საფუძველზე 2,493 პირისპირ ინტერვიუ ჩატარდა.