მოსახლეობას არანაირი უფლება არ აქვს ელექტრომაგისტრალის მშენებლობას ხელი შეუშალოს

მოსახლეობას არანაირი უფლება არ აქვს ელექტრომაგისტრალის მშენებლობას ხელი შეუშალოს - ელოშვილი

პოლიტიკა - 14:57, 10 May, 2017

4982

ენერგეტიკის მინისტრის მოადგილე ხანდოსხევში ელექტრომაგისტრალის მშენებლობასთან დაკავშირებით მოსახლეობის პროტესტს გამოეხმაურა. ილია ელოშვილის თქმით, მოსახლეობას არანაირი უფლება არ აქვს, სოფელ ხანდოსხევში ელექტრომაგისტრალის მშენებლობას ხელი შეუშალოს. ელოშვილის განცხადებით, სოფელ ხანდოსხევთან სამუშაოები ერთი კვირით ისედაც შეჩერდება, ვიდრე მეთოდოლოგია არ იქნება შესწავლილი:

„შევხვდი მათ არაერთხელ, როგორც ოფისში, ასევე მათთან სოფელში ჩავედი. აქ არის ორი მომენტი, პირველი - ვინც ეწინააღმდეგება ზოგადად ხაზის მშენებლობას მინდა, ვუთხრა მათ, რომ არანაირი ხაზი არ გადადის სახლის სახურავებზე. დაშორებულია 100-150 მეტრით სახლებიდან. არანაირი უფლება არ აქვთ მათ, რომ გააჩერონ მშენებლობა. რაც შეეხება კონკრეტულ ადგილს, აქ ჩვენ ისედაც ვაჩერებთ სამუშაოებს ერთი კვირით, სანამ მეთოდოლოგია არ იქნება შემუშავებული. აქ სამუშაოები გაგრძელდება მაშინ, როცა მეთოდოლოგია იქნება. ეს მოხდება ალბათ ერთ კვირაში, არის მეთოდოლოგია სპეციალური უბნებისთვის. ყველაფერს აქვს საზღვარი.ჩემი აზრით, ყველანაირი რესურსი ამოწურულია. მაინც ვიმუშავებთ, რათა დარწმუნდნენ, რომ მათ ჯანმრთელობას საფრთხე არ ემუქრება. იქ არიან არასამთავრობოები, რომლებიც მუდმივად ეწინააღმდეგებიან ჩვენ ყველა წამოწყებას, საქმე ეხება პატარა ჰესს, დიდ ჰესს, თუ რამე ხაზის გაყვანას.“ - განაცხადა ილია ელოშვილმა.