საქართველს პრეზიდენტი და უშიშროების საბჭოს თავმჯდომარე დიპლომატიური კორპუსის, არასამთავრობო სექტორისა და სხვადასხვა პოლიტიკური პარტიის წარმომადგენლებს ხვდებიან. შეხვედრის ფარგლებში საუბარი იქნება უშიშროების საბჭოსთან დაკავშირებით ინიცირებულ საკონსტიტუციო ცვლილებებზე.

პრეზიდენტის თქმით კონსტიტუციაში ქვეყნის თავდაცვისუნარიანობაზე პასუხისმგებელი ორგანო დეგრადირებულია:

„ის ორგანო, რომელიც უნდა უზრუნველყოფდეს, როგორც ჩვენი ჯარის, შეიარაღებული ძალების გაძლიერებას, ასევე მზადყოფნას სერიოზული გამოწვევების მიმართ, რომელიც საქართველოს გააჩნია, ფაქტობრივად, გამქრალია კონსტიტუციიდან და ჩანაცვლებულია ერთი მხრივ, თავდაცვის საბჭოთი, რომელიც მხოლოდ ომიანობის დროს ფუნქციონირებს და მეორე მხრივ, ლოზუნგით, რომ საქართველო ნატოს წევრი ქვეყანა უნდა გახდეს,“ - განაცხადა გიორგი მარგველაშვილმა.