,,პატარა კაცის სინდრომით” შეპყრობილების საქათმე

,,პატარა კაცის სინდრომით” შეპყრობილების საქათმე - გურამ შეროზია

სოც.მედია - 01:07, 10 May, 2017

9699

ბავშვობაში, ბებიაჩემმა გადაწყვიტა ქათმები "მოეშენებინა"... ცხოველები და ფრინველები ძალიან მიყვარს და მეც ვსტუმრობდი ხოლმე მათ "ვენიუს" :))) - წერს გურამ შეროზია ფესიბუქის გვერდზე და ადამიანების გარკვეული კატეგორიის დახასიათებისთვის საქათმის ამბავს იხსენებს:

,,საინტერესო იყო ჩემი დაკვირვება: როცა "კუტოკში" ახალი ქათამი ჩავარდებოდა, ის მუდმივად ხდებოდა ბულინგის მსხვერპლი. ძველი ქათმები, კვებისას კონკურენციის დროს, ან ისე, უბრალოდ - გამეტებით უნისკარტებდნენ. ეს ახლებიც, მხოლოდ იშვიათად აღმოჩნდებოდნენ ხოლმე საკმარისად მამაცები, ხელის (ნისკარტის) შებრუნებასაც ბედავდნენ და ჩაგვრასაც სიძლიერის დემონსტრირებით გმობდნენ. ზოგ შემთხვევაში, ლიდერის როლების მისაკუთრებასაც ახერხებდნენ და ახლა ისინი ხდებოდნენ მჩაგვრელები, საერთოდ აღარ ახსოვდათ, გუშინ მათ რომ უნისკარტებდნენ.

არა და ბოლოს ყველა დაკვლის კანდიდატი იყო და არავინ იცოდა ჯერ ძველს მოუვიდოდა ეს ჟამი, თუ ახალს.

ჰოდა ეს "პატარა კაცის სინდრომით" შეპყრობილი ხალხიც ზუსტად იმ საქათმეს მაგონებს.

- სტაჟიანი მიმტანების ქედმაღლობა ახლების მიმართ, რომელსაც ხშირად გადავწყდომივარ

- ძველი სტუდენტების თუ მეგობრების "კუტოკში" ახლის შეღწევის სირთულე

- მაღალ პოზიციებზე მომუშავე ხალხის ამპარტავნება, დაბალ პოზიციებთან და "ჟოპალეზობა" უფრო მაღლებთან

- ძირძველი თბილისელების მიერ ოდნავ ნაკლებად ძირძველებისთვის თუ ჩამოსულებისთვის ზემოდან გადმოხედვა

- სტაჟიანი ტაქსისტის, სტაიანშიკის, მეზობლის და ა.შ. ამაყი გამოხედვა და ახლებთან შედარებით საკუთარი უპირატესობის ხაზგასმა

სულ მგონია, რომ მათი ჭკუა, აი იმ, ადრე თუ გვიან დასაკლავად განწირული, სულელი ქათმების გონებრივი დიაპაზონის იდენტურია... :))))“ - წერს ბლოგერი.