საქართველოს დელეგაციის ამერიკის შეერთებულ შტატებში ვიზიტი პრეზიდენტმა შეაფასა. გიორგი მარგველაშვილის თქმით ის შეხვედრები რომელიც ჩატარდა ვაშინგტონში, ეს არის ქართული დიპლომატიური კორპუსის წარმატება:

„მინდა, მივესალმო შეხვედრებს, რომელიც ჩატარდა ვაშინგტონში, ეს არის ჩვენი დიპლომატიური კორპუსის წარმატება. ვიცე-პრეზიდენტი და შეერთებული შტატების ახლად არჩეული პრეზიდენტი, რომელთა დღის წესრიგიც ძალიან გადატვირთულია, შეხვდნენ პრემიერ-მინისტრს. ისინი ნათლად აფიქსირებენ საქართველოს ტერიტორიული მთლიანობისა და სუვერენიტეტის მხარდაჭერას. მიმაჩნია, რომ ეს არის ჩვენი დიპლომატიის, ჩვენი ერთობლივი საქმის გამარჯვება. ეს არის ის, რითიც საქართველო ასე ძლიერად დგას საერთაშორისო არენაზე“, - განაცხადა გიორგი მარგველაშვილმა.