საკონსტიტუციო ცვლილებები უნდა მივიღოთ დემოკრატიისთვის და არა ერთი საარჩევნო ციკლისთვის

საკონსტიტუციო ცვლილებები უნდა მივიღოთ დემოკრატიისთვის და არა ერთი საარჩევნო ციკლისთვის - ქებურია

პოლიტიკა - 17:15, 09 May, 2017

1464

ზუგდიდში, საკონსტიტუციო ცვლილებების საყოველთაო განხილვისას “მოძრაობა თავისუფლებისთვის-ევროპული საქართველოს” წევრმა ლელა ქებურიამ ის ცვლილებები გააკრიტიკა, რომელიც მმართველ გუნდს საარჩევნო სისტემაში შეაქვს, ქებურიას თქმით დემოკრატიისთვის უაღრესად მნიშვნელოვანია, რომ პარლამენტი მრავალპარტიული იყოს, რაც აღნიშნული ცვლილებების შედეგად არ მოხერხდება:

,,ვერასოდეს იქნება პარლამენტი ძლიერი თუ ერთი პარტიის ხელში მოხვდება ძალაუფლების კონსოლიდირება და პარლამენტი იქნება მხოლოდ და მხოლოდ ნოტარიუსი და გამტარებელი იმისა, რასაც იტყვის ეს ერთი პარტია. ამიტომ ჩვენთვის ძალიან მნიშვნელოვანია მრავალპარტიული პარლამენტი, რომ იყოს დემოკრატიულობის ხარისხი მაღალი. მე ღრმად ვარ დარწმუნებული, რომ 2020 წელს პირველ ადგილზე გასული პარტია არ იქნება „ქართული ოცნება,“ მაგრამ იმაშიც რომ ღრმად ვიყო დარწმუნებული, რომ ეს პარტია იქნება „ევროპული საქართველო“ მაინც ვიტყვი და მაინც არ დავუჭერ ამ ცვლილებას მხარს იმიტომ, რომ ეს არ არის სამართლიანი. ჩვენ ერთი საარჩევნო ციკლისთვის არ ვღებულობთ საკონსტიტუციო ცვლილებას, ჩვენ ამ ცვლილებას ვღებულობთ იმიტომ, რომ მივიღოთ დემოკრატიული ქვეყენა,’’ - განაცხადა ლელა ქებუარიამ.