საქართველოს პარლამენტის ყოფილი წევრი თამაზ მეჭიაური საქართველოს ტერიტორიაზე მოსკოვის ყოფილი მერის იური ლუჟკოვის შემოსვლასთან დაკავშირებით კომენტარს აკეთებს, მისი თქმით, იური ლუჟკოვმა ფაქტობრივად ცნო აფხაზეთი და ცხინვალი დამოუკიდებელ ქვეყნად.

"მინდა ვთქვა, რომ ხალხი აქ ბაიკერებს და ლენტებს დასდევენ, მათ ვეტყვი, რომ საზღვრები გვაქვს ოკუპირებული და ჯობია ამ საკითხზე ვიფიქროთ, ვიდრე ბაიკერებზე და ლენტებზე. არ მახსოვს სხვა ქვეყნის წევრებს ასე დასდევდნენ. ბაფთა ჩემთვის არ ასოცირდება რუსეთთან, ის ასოცირდება წარმატებულ ომებთან, სადაც ქართველებიც მონაწილეობდნენ. სხვა ქვეყნის წევრებს რატომ არ დასდევენ, რომლებიც საროსკიპოებს ხსნიან და ქართველ გოგოებს შეურაცხყოფას აყენებენ", - განაცხადა მეჭიაურმა.