საარჩევნო სისტემა, რომელიც ყალიბდება ქვეყანაში, იქნება პრობლემური

საარჩევნო სისტემა, რომელიც ყალიბდება ქვეყანაში, იქნება პრობლემური - პრეზიდენტი

პოლიტიკა - 12:57, 09 May, 2017

1166

საქართველოს პრეზიდენტმა ზუგდიდში სტუდენტებთან შეხვედრა გამართა.
გიორგი მარგველაშვილმა კამპანია კონსტიტუცია ყველასიას ფარგლებში, საკონსტიტუციო ცვლილებების ხარვეზებზე გაამახვილა ყურადღება.

„საარჩევნო სისტემა, რომელიც ყალიბდება ქვეყანაში, იქნება ჩემი აზრით, პრობლემური. მახსოვს, როგორ ლანძღვადა სააკაშვილი შევარდნაძეს და მანამდე, როგორ ლანძღავდა შევარდნაძე წინა ხელისუფლებას. ეს ხელისუფლება ხშირად დაკავებულია იმით, რომ ძალიან ლანძღავს, ეს არ არის ნორმალური. დრამატული ცვლილებები, დაყოფილები რომ ვართ ხოლმე ბანაკებად, მერე ერთმანეთის ლანძღვაში ვატარებთ უკვე მოგებულ წლებს, ეს არ არის ევროპული კულტურა. ევროპული კულტურა არის, რომ 3-4-5 პოლიტიკური პარტია არის ძლიერი, ხანდახან რომელიღაცას ერგება მმართველობა. იმისთვის, რომ ეს მოხდეს ქვეყანაში, ჩვენ ოპოზიციურ პოლიტიკურ პარტიებს მოგების შანსი უნდა შევუქმნათ. ამ არსებული კონსტიტუციით, ძალიან მაღალი ბარიერია, 5%-იანი ბარიერია იმისთვის, რომ პარლამენტში მოხვდე. ამის მერე პრობლემური არის ის, რომ ბლოკების შექმნის უფლება არ აქვს ოპოზიციურ პარტიებს,“- განაცხადა გიორგი მარგველაშვილმა.