"მონასტერში ვარ და მაგის გარკვევა, სად მიდის და საიდან მოდის ლუჟკოვი, ნაკლებად მაინტერესებს"- მამა სერაფიმე

პოლიტიკა - 10:33, 08 May, 2017

10854

მოსკოვის ყოფილი მერის იური ლუჟკოვის საქართველოში ვიზიტთან და საეკლესიო წირვაზე დასწრებასთან დაკავშირებით კომენტარი მამა სერაფიმე ბით ხარიბმა გააკეთა. მისი თქმით ლუჟკოვი წირვას მეუღლესა და მეგობართან ერთად დაესწრო.

„იყო თავის მეუღელსთან და მეგობრებთან ერთად მოსული, მათ სურდათ არამეულ ენაზე წირვის მოსმენა, რის საშუალებაც იყო, რადგან ჩვენ ყოველ კვირას წირვას აღვავლენთ ქართულ-არამეულ ენაზე.“-განაცხადა მამა სერაფიმემ რუსთავი2-თან სატელეფონო საუბარში.

სასულიერო პირი ასევე გამმოეხმაურა გავრცელებულ ინფორმაციას, რომ ლუჟკოვი საპატრიარქოშიც იმყოფებოდა და განაცხადა, რომ ის მონასტერშია და იური ლუჟკოვის გადაადგილების საკითხი მისი ინტერესის სფერო არაა:

„მე ვარ მონასტერში და მაგის კარკვევა სად მიდის და საიდან მოდის ნაკლებად მაინტერესებს“- განაცხადა მამა სერაფიმემ.

როგორც ცნობილია, მოსკოვის ყოფილი მერი, იური ლუჟკოვი თბილისშია. ის გუშინ წირვას დაესწრო, რომელიც მამა სერაფიმემ აღავლინა. მოსკოვის ყოფილი მერი ოკუპირებულ აფხაზეთში რამდენიმეჯერაა ნამყოფი და ამით მას დარღვეული აქვს ოკუპირებული ტერიტორიებთან დაკავშირებით საქართველოს კანონი.