„საარჩევნო სისტემა, რომელსაც „ქართული ოცნება“ გვთავაზობს, არის მუსოლინის სისტემა“

„საარჩევნო სისტემა, რომელსაც „ქართული ოცნება“ გვთავაზობს, არის მუსოლინის სისტემა“ - ჭიაბერაშვილი

პოლიტიკა - 16:14, 07 May, 2017

1643

„საარჩევნო სისტემა, რომელსაც „ქართული ოცნება“ გვთავაზობს, არის მუსოლინის სისტემა“ - ამის შესახენ მოძრაობა თავისუფლებისთვის-ევროპული საქართველოს წევრმა ზურაბ ჭიაბერაშვილმა კონსტიტუციის საყოველთაო განხილვაზე განაცხადა.

მისივე თქმით, ვინაიდან საქართველოს მთელ ტერიტორიაზე ვერ ტარდება რეფერენდუმი, ამიტომ, პარტიამ წამოაყენა იდეა პლებისციტის ჩატარების, სადაც ჭიაბერაშვილის განმარტებით, ნათელი გახდებოდა, რომელ მიმართულებას უჭერს მოსახლეობა მხარს.

,,რამდენიმე დღეში იქნება ვენეციის კომისიის წინასწარი დასკვნა, თუმცა კარგი იქნებოდა დასკვნა ყიფილიყო და შემდეგ ჩატარებულიყო განხილვები. პარტიები არსებულ კონსტიტუციას იწუნებდნენ, რადგან არსებული კონსტიტუცია იწვევს ძალაუფლების ზედმეტ კონცენტრაციას. თუ ვცვლით, ეს უნდა გამოირიცხოს. სამართლიანი საარჩევნო სისტემა იქნება ისეთი, რომ რა პროცენტიც მისცა ხალხმა ხმა პარტიას, იმ პროცენტის ადგილები ჰქონდეს პარლამენტში. „ქართულ ოცნებას“ სწყინს, მაგრამ ასეთი სისტემა მუსოლინიმ შესთავაზა იტალიას. ამ ცვლილელებით, პარტიამ შესაძლოა მიიღოს 30 პროცენტი და მიიღოს საკონსტიტუციო უმრავლესობა. რა მნიშვნელობა აქვს მაჟორიტარებით მოხდება, როგორც ახლაა ეს, თუ ამ ცვლილებებით?! ჩვენ საარჩევნო სისტემის ამ ნაწილს მუსოლინის სისტემა დავარქვით. დარწმუნებული ვარ ვენეციის კომისიას ამ ნაწილში ექნება კრიტიკული შენიშვნები, როდესაც ვლაპარაკობთ პრეზიდენტზე, აქაც თუ ჩვენი ამოცანა არის რომ მთავრობის ხელში, პარლამეტში ერთი პარტიის ხელში არ მოხდეს ძალაუფლების ზედმეტი კონცენტარაცი, რა უშლის ხელს რომ პრეზიდენტთან დარჩეს ის უფლებამოსილებები, რომელიც დღეს არის განსაზღვრული, მითუმეტეს რომ თავად პარლამენტის თავჯდომარემ თქვა დღეს პრეზიდენტს ისედაც არაფერი არ ეკითხება. მთავარი პრობლემა რასაც დღეს პრეზიდენტი ქმნის არის ვეტოს უფლება, მადლობა ღმერთს აქამდე არ წავიდა „ქართული ოცნება“ რომ ვეტოს უფლებაც წაართვას პრეზიდენტს“ -განაცხადა ზურაბ ჭიაბერაშვილმა