საარჩევნო სისტემასთან დაკავშირებით NGO-ების მოთხოვნას მმართველი გუნდი არ იზიარებს

პოლიტიკა - 18:18, 06 May, 2017

1752

მანდატების გადანაწილების წესსა და 5 %-იანი ბარიერის 3% მდე შემცირებასთან დაკავშირებით არასამთავრობო ორგანიზაციების მხრიდან გაჟღერებულ მოთხოვნას საპარლამენტო უმრავლესობა არ იზიარებს. ვიცესპიკერ თამარ ჩუგოშვილის თქმით 5%-იანი ბარიერი არის სრულიად ლეგიტიმური და მიღებულია ევროპის ბევრ ქვეყანაში.

„5%-იანი ბარიერი არის სრულიად ლეგიტიმური ბარიერი, რომელიც არის ძალაინ ბევრ ევროპულ ქვეყანაში და არავინ ამ ქვეყნებში არ ამბობს რომ ეს დისპროპოპრციასთან ან უსამართლობასთან არის კავშირში. ჩვენ ველოდებით ვენეციის კომისიის დასკვნას და მათი მოსაზრებების გათვალისწინებით ვნახავთ რაიმე ცვლილებები იქნება თუ არა შეტანილი ამ პროექტში“- განაცხადა თამარ ჩუგოშვილმა.

არასამთავრობოების მხრიდან საარჩევნო სისტემის კრიტიკას საზოგადოების შეცდომაში შეყვანის მცდელობად აფასებს „ქართული ოცნების“ წევრი მამუკა მდინარაძე:

„ასეთი განცხადებები არის საზოგადოების შეცდომაში შეყვანის დამატებითი მცდელობა. ამ ლოგიკით მაშინ უნდა ვიმსჯელოთ რომ ნებისმიერი მაჟორიტარული სისტემა, რომელიც აბსოლუტურად ლეგიტიმურადაა მიჩნეული მთელ მსოფლიოში, არღვევს თანასწორობის პრინციპს“- განაცხადა მამუკა მდინარაძემ.