,,ოცნებაზე“ საშიშია ქამელეონი პოლიტიკოსები, რომლებიც ხან ივანიშვილისკენაა და ხან ხალხისკენ“

,,ოცნებაზე“ საშიშია ქამელეონი პოლიტიკოსები, რომლებიც ხან ივანიშვილისკენაა და ხან ხალხისკენ“ - ნიკა მელია

პოლიტიკა - 20:39, 05 May, 2017

2452

კონსტუტუციის დაცვის საკითხში გავერთიანდება ყველა პატრიოტ ძალასთან ერთად, მაგრამ გამიჭირდება იმ ადამიანების გვერდით დგომა, რომელიც ხან ივანიშვილსკენაა და ხან ხალხისკენ - განაცხადა ნაციონალური მოძრაობის ლიდერმა ნიკა მელიამ ,,დაიცავი კონსტიტუცია“-ს ფარგლებში მოსახლეობასთან გამართული შეხვედრისას.

ნიკა მელიამ ასეთ პოლიტიკოსებს ქამელეონები უწოდა.

,,ყველაზე საშიში ძალა, მათ შორის ქართულ ოცნებაზე საშიში არის ის ძალა, რომელიც არის ქამელეონი. მრავალი პარტია ვიცით ასეთი. ერთი ხმითაც რომ გაიმარჯვოს 2020 წელს ივანიშვილის პარტიამ, კოალიციური მთავრობის შექმნის პერსპექტივაც კი ქრება. ეს ნიშნავს იმას, რომ ივანიშვილი ყველაფერს აკეთებს, რომ ხალხი გამოვიდეს ქუჩაში, ჩვენ კიდევ ვცდილობთ, რომ დამთავრდეს ამ ქვეყანაში ხალხის ქუჩაში გამოსვლა და არჩევნების გზით გადაწყდეს ამ ქვეყანაში ყველაფერი.

დღეს ყველა თანამებრძოლია ჩემი ვინც არ იღებს ივანიშვილის თამაშის წესებს.

ძალიან ბევრი ადამიანი გამოვა და მოაწყობს მშვიდობიან მარშს“ - განაცხადა მელიამ.

ნიკა მელიამ ის პოლიტიკოსები გააკრიტიკა, რომლებიც ხელისუფლებასთან ერთად სახალხო განხილვას ესწრებოდნენ. ,,როცა იცი რომ წინასწარ 700 კაცი ტაშს დაუკრავს და ვიღაც ქალბატონი იტყვის რომ არ ამარჩევინო პრეზიდენტიო, არ ათქმევინო ბიძინა ივანიშვილს, რომ ნახეთ მყავს ოპოზიცია, რომელსაც რაღაც მოსწონს და რაღაც არა. ვიცოდეთ ვინ ვინ არის, მაგრამ მთავარი მიზანი არ დაგვავიწყდეს, ერთად ბრძოლა მიიყვანს საქმეს გამარჯვებამდე.“