„ნაციონალური მოძრაობის“ ერთ-ერთი ლიდერი „ნიუპოსტთან“ საუბრისას ქუთაისში საკონსტიტყუციო ცვლილებებთან დაკავშირებით საერთო სახალხო განხილვას ფარსს უწოდებს. ენმ-ს ლიდერის შეფასებით ის რაც დღეს ქუთაისში ხდება მას საერთო სახალხო განხილვას ვერ დაარქმევს, რადგან დეპუტატის შეფასებით ეს არის მმართველი პოლიტიკური ძალის აქტივის შეკრება:

„ძალიან უხერხული იყო იმ საბჭოთა სტილის ყურება, რასაც ჩვენ ტელეეთერით ვადევნებდით თვალს, როდესაც ადამიანები არანაირ განსხვავებულ აზრს არ იღებენ. ეს იყო წინასწარ დადგმული სპექტაკლი, ხოლო რასაც ჩვენ რიყეზე ვხედავთ, ეს ნამდვილად საერთო სახალხო განხილვაა, ხალხი არ დაუშვბეს იმას, რომ ივანიშვილმა საკუთარ თავზე მოირგოს კონსტიტუცია და ეს ქვეყანა 2030 წლამდე მართოს, როგორც ეს გაცხადებული აქვს და რისი მცდელობაც სახეზეა. ძალიან მნიშვნელოვანია როგორც საერთაშორისო თანამეგობრობის, საზოგადოებისა და მოსახლეობის ინფორმირება, მთელი ამ თვეების განმავლობაში საზოგადოება ითხოვდა ძალიან მარტივ რამეს, ეს იყო ფართო კონსესუსი. დღეს კონსტიტუციის ეს ვარიანტი არალეგიტიმურია, რადგან ეს ფართო კონსესუსით არ არის მიღებული. როგორც ხედავთ, ხალხი აპროტესტებს იმას, რომ ისინი ვერ აირჩევენ პრეზიდენტს, მიუღებელია ივანიშვილის გუნდის შემოთავაზება, რომლითაც ის ხმებს მოიპარავს. ხალხისთვის ასევე მიუღებელია ის, რომ პარლამენტი ქუთაისში აღარ იქნება, მიუღებელია ასევე პარტიებს შორის ბლოკები და ის, რომ ლეგიტიმურად ხელისუფლების ცვლილება შეუძლებელი იქნება. შესაბამისად, ეს კონსტიტუცია მორგებულია მხოლოდ იმაზე, რომ ივანიშვილმა და მის გარეშემო მყოფმა ლაშქარმა ხელისუფლება განუზომელი ვადით შეინარჩუნონ“, - აცხადებს ზაზა ბიბილაშვილი.