ამ წუთებში, რიყის სკვერში მოძრაობის "დაიცავი კონსტიტუცია" წევრები მოსახლეობას ხვდებიან.

პოლიტიკური პარტია „რეფორმატორების" თავმჯდომარის ირაკლი ღლონტის განცხადებით, დღეს, ერთ მხარეს თავისუფალი ადამიანები, მეორე მხარეს კი შენობებში ჩაკეტილი ხელისუფლებაა.

"მე მინდა შედარება გავაკეთო კომუნიზმსა და თანამედროვეობას შორის.

დღევანდელი ჩვენი შეხვედრა არის ნათელი დადასტურება, რომ თანამედროვე, თავისუფალი ხალხი ვიკრიბებით ბიუროკრატების შენობა-ნაგებობის გარეშე, ერთმანეთს ვხდებით, ვმსჯელობთ, ვცვლით მოსაზრებებს. მეორე მხარის არის მარტო დარჩენილი ხელისუფლება, რომელიც თეატრებს კეტავს, შენობებში იმალება, თავის ელექტორატს, გამგეობის თანამშრომლებს, იძულებით მიყვანილ ხალხს სთავაზობს და ძალით ტენის კონსტიტუციის იმ რედაქციას, როელიც ჩვენი შეფასებით ამორალური და ანტიკონსტიტუციურია.

დემოკრატია არის აქ. "ქართულ ოცნებაში" არის კომუნიზმი" - განაცხადა ირაკლი ღლონტმა.