საქართველოს უნივერსიტეტის სამართლის სკოლა სტუდენტებს უნიკალურ სასწავლო პროცესს სთავაზობს

პოლიტიკა - 16:47, 05 May, 2017

3648

საქართველოს უნივერსიტეტი, რომელიც სწავლის უმაღლესი ხარისხით და დასაქმების მაღალი სტატისტიკით არის ცნობილი, სტუდენტებს სამართლის სფეროში განათლების მიღებას განსაკუთრებულ პირობებში სთავაზობს: საერთაშორისო სტანდარტების შესაბამისი სამართლის პროგრამა სრულიად უნიკალური და მოქნილია. მის შექმნაში მონაწილეობა ქართველ და უცხოელ სამართლის სპეციალისტებთან ერთად დამსაქმებლებმაც მიიღეს. აქ, სასწავლო პროცესი მთლიანად მიმართულია პრაქტიკული უნარ-ჩვევების გამომუშავებაზე.

პირველ რიგში აღსანიშნავია, რომ რეგიონში მხოლოდ საქართველოს უნივერსიტეტში, ფუნქციონირებს TOLES სამართლებლივი ინგლისური ენის ცენტრი. ცენტრის მოსამზადებელი პროგრამა არის ბაკალავრიატის პროგრამის აუცილებელი კომპონენტი. მოსამზადებელი კურსების გავლა სტუდენტებს ხელს უწყობს საერთაშორისოდ აღიარებული სერტიფიკატის აღებაში. სკოლის რესურსები ასევე გულისხმობს იმიტირებულ სასამართლო დარბაზს, ასევე, უფასო იურიდიული დახმარების ცენტრს, სადაც სტუდენტები პრაქტიკას გადიან და მოქალაქეებს უწევენ კონსულტაციას იურიდიულ საკითხებში.

სამართლის სკოლაში ახალი დაარსებულია ქართული, გერმანული და საერთაშორისო სისხლის სამართლის ინსტიტუტიც, რომლის მიზანია სისხლის სამართლის პრაქტიკის განვითარება. ინსტიტუტის მიზანია აწარმოოს, ქართული, გერმანული და საერთაშორისო სისხლის სამართლის სიღრმისეული კვლევები, რაც ეროვნული კანონმდებლობის განვითარებასა და საერთაშორისო სტანდარტების დანერგვას შეუწყობს ხელს. სიახლეებს შორის არის ახალი ინგლისურენოვანი სამაგისტრო პროგრამა - საერთაშორისო ბიზნეს სამართლში, რომელიც უნიკალურია იმ თვალსაზრისით, რომ ამ მიმართულებით ერთადერთი ინგლისურენოვანი პროგრამაა. ამასთან პროგრამაზე უცხოული პროფესორები ასწავლიან და იგი მთლიანადაა აგებული საერთაშორისო და შედარებითი საკითხების შესწავლაზე.

გარდა ამისა, სამართლის სკოლის სტუდენტებს აქვთ შესაძლებლობა მონაწილეობა მიიღონ ეროვნულ და საერთაშორისო შეჯიბრებებში, ისწავლონ ევროპისა და ამერიკის წამყვან უნივერსიტეტებში და დაესწრონ მასტერკლასებსა და სემინარებს უცხოელი ექსპერტების მონაწილეობით. ზემოაღნიშნულიდან გამომდინარე, უკვე ცხადია, რომ ქვეყნის წამყვან, წარმატებულ იურისტებს შორის ბევრი სწორედ საქართველოს უნივერსიტეტის სამართლის სკოლის კურსდამთავრებულია.