"მაინტერესებს რაში უშლის ხელს დღეს არსებული კონსტიტუცია სტაბილურობას?"- ჭიაბერაშვილმა უმრავლესობას მიმართა

პოლიტიკა - 15:06, 05 May, 2017

1171

მოძრაობა თავისუფლებისთვის- ევროპული საქართველოს წევრი ზურაბ ჭიაბერაშვილი ქუთაისში საკონსტიტუციო ცვლილებეზე სახალხო განხილვასთან დაკავშირებით უმრავლესობას კიდევ ერთხელ აკრიტიკებს და აღნიშნავს, რომ ისინი კატეგორიულად ეწინააღმდეგებებიან სიტყვა ქუთაისის კონსტიტუციიდან ამოღებას.

"მინდა დავსვა შეკითხვა და მიპასუხოთ, რა მათემატიკა იდგა იმის უკან, რომ გაზის ტარიფი 25 თეთრი უნდა გამხდარიყო. რა მათემატიკა იდგა ამის უკან? როცა ჩვენს მიერ გამოთქმულ აზრზე იხმარეს ტერმინი რომ ეს არის უპასუხისმგებლობა ან დემაგოგია, კარგად უნდა გვესმოდეს თუ რა სიტყვები არის უპასუხისმგებლობა და დემაგოგია.

ჩვენ კატეგორიულად ვეწინააღმდეგებოდით საკონსტიტუციო განხილვების დროსაც და ეხლაც რომ სიტყვა ქუთაისი ამოღებული იქნას კონსტიტუციიდან და ჩვენ ვერ ვხედავთ მიზეზს რატომ უნდა ამოვიღოთ კონსტიტუციიდან სიტყვა ქუთაისი. ბევრჯერ იქნა ნახსენები ვენეციის კომისია, ასევე ვერ ვხედავთ მიზეზს რატომ არ მოიცადა პარლამენტის ხელმძღვანელობამ ვიდრე ვენეციის კომისია ახლა დაწერდა დასკვნას ამ ცვლილებებზე და გამოაქვეყნებდა და თუნდაც მერე დაწყებულიყო ის დისკუსია. რაც შეეხება საკითხს იმასთან დაკავშირებით რომ ყველა გადაუნაწილებელი ხმა უნდა მიეცეს გამარჯვებულს, ამ არგუმენტის უკან დგას სიტყვა სტაბილურობა, თითქოს სტაბილურობის მოტივით ხდება ეს. არ არსებობს პასუხი კითხვაზე, განა ქართული ოცნება არ იყო რომ ლაპარაკობდა ძალაუფლების ზედმეტ კონცენტრაციაზე, ან რისთვის არის ეს სტაბილურობა და დღეს რაში უშლის ხელს დღეს არსებული კონსტიტუცია სტაბილურობას, როდესაც საკონსტიტუციო უმრავლესობა ქართულ ოცნებას, მაგრამ ვხედავთ მთავრობის არაქმედითობას და უნიათობას და ცხოვრების გაუარესებას ჩვენი მოქალაქეებისათვის"- განაცხადა ჭიაბერაშვილმა.