გადაუნაწილებელ მანდატებთან დაკავშირებით ხალხის მოტყუებას მათემატიკაში ცდილობდნენ

გადაუნაწილებელ მანდატებთან დაკავშირებით ხალხის მოტყუებას მათემატიკაში ცდილობდნენ - კობახიძე

პოლიტიკა - 14:42, 05 May, 2017

1298

საქართველოს პარლამენტის თავმჯდომარემ ირაკლი კობახიძემ ქუთაისში კონსტიტიციური ცვლილებების საყოველთაო-სახალხო განხილვაზე გადაუნაწილებელ მანდატებთან დაკავშირებით ისაუბრა.

კობახიძემ თქვა, რომ "ხალხი მოტყუებას მათემატიკაში ცდილობდნენ".

„კონსტიტუციის ახალ რედაქციაში წარმოდგენილია ორი ძირითადი ელემენტი - ეს არის 5%-იანი საარჩევნო ბარიერი. ხაზგასმით მინდა ვთქვა, რომ პარტიებისთვის 5%-იანი საარჩევნო ბარიერის დადგენა საყოველთაოდ აპრობირებული პრაქტიკაა, მათ შორის ევროკავშირის ქვეყნებში.

ხაზს ვუსვამ, ევროკავშირის ქვეყნების დაახლოებით 40%-ში პოლიტიკური პარტიებისთვის 5%-იანი ბარიერი მოქმედებს.

შესაბამისად, საქართველოში ამ რეგულაციის დაწესება სრულ შესაბამისობაშია კონსტიტუციის სამართლის პრინციპებთან. გარდა შესაბამისობისა, ერთი არის ფორმალური მხარე და მეორე მატერიალური მხარე. ამ ყველაფრის გაკეთება მიშვნელოვანია, რომ სტაბილურობა იყოს უზრუნველყოფილი პროპორციული სისტემის პირობებში.

არის მეორე ელემენტი - ე.წ. ბონუსი, რომლის თანახმადაც, ის ხმები, რომელიც არ ნაწილდება ბარიერგადალახულ პარტიებზე, გადადის გამარჯვებულ პარტიაზე.

ამასთან დაკავშირებითაც იყო გარკვეული სპეკულაციები როგორც მოგეხსენებათ, მათ შორის, იტყუებოდნენ ციფრებშიც, მათემატიკაში ცდილობდნენ ხალხის მოტყუებას. როგორც ჩანს, ცოტა დაბალი წარმოდგენა აქვთ მოსახლეობის მათემატიკურ უნარებზე.

რეალურად, ბონუსის მოცულობა რომ ავიღოთ, ბოლო ხუთი არჩევნების პირობებში იქნებოდა, საშუალოდ, 5 პროცენტი ბოლო ოთხი არჩევნების მიხედვით - 3.1%, ხოლო ბოლო საპარლამენტო არჩევნებში დაკარგული ხმების მაჩვენებელი მაღალი იყო და ბონუსი 8% იქნებოდა“, - განაცხადა ირაკლი კობახიძემ.