ამერიკის შეერთებული შტატების წარმომადგენლობითი პალატის მიერ მიღებულ გადაწყვეტილებას, რომლის მიხედვითაც, ამერიკის მთავრობა არ ითანამშრომლებს და არ დაეხმარება იმ ქვეყნებს, რომლებიც საქართველოს რეგიონების აფხაზეთისა და ე.წ. სამხრეთ ოსეთის დამოუკიდებლობას აღიარებენ, საქართველოს განათლებისა და მეცნიერების მინისტრი, ალექსანდრე ჯეჯელავა ეხმაურება:

"ძალიან მნიშვნელოვანია გახსნილად რუსეთის კონფლიქტის მხარედ აღიარება, ღია ტექსტით, თან ეს არ არის ერთ-ერთი არასამთავრობო ორგანიზაცია, ეს არის ამერიკის კონგრესი, ეს კიდევ ერთი მიზეზია, რომ დაფიქრდნენ კარგად, მათ შორის რუსეთიც, თავის მოქმედებების შესახებ და ნებისმიერი სხვა ქვეყანა, ვისაც რაიმე აზრები ჰქონდა ამ მიმართულებით. დარწმუნებული ვარ, რომ ეს არის სწორი მიმართულებით გადადგმული ნაბიჯი",- აცხადებს ალექსანდრე ჯეჯელავა.