ნორიოში ქართველ დამკვირვებელ-შემფასებლების კურსი მიმდინარეობს

პოლიტიკა - 18:01, 03 May, 2017

1376

ნორიოს საწვრთნელ ბაზაზე დამკვირვებელ-შემფასებლების კურსს პირველად, ნატო-საქართველოს წვრთნებისა და შეფასების ერთობლივი ცენტრის (JTEC) სერტიფიცირებული ქართველი ინსტრუქტორები ატარებენ. სასწავლო პროგრამის დასრულების შემდეგ, კურსდამთავრებულებს უკვე დამკვირვებელ-შემფასებლების მომზადება საქართველოს, ასევე ნატოსა და პარტნიორი ქვეყნების შეიარაღებული ძალებისათვის შეეძლებათ.

კურსი ოცეულის დონეზე თეორიულ და პრაქტიკულ მეცადინეობებს მოიცავს. მისი მიზანი საქართველოს შეიარაღებული ძალებისათვის დამკირვებელ-შემფასებლების მომზადება და სერტიფიცირებაა. სწავლებაში 17 სამხედრო მოსამსახურეა ჩართული, რომლის დასრულების შემდეგაც მათ JTEC-ის დამკირვებელ-შემფასებლების სერტიფიკატები გადაეცემათ.

სწავლება აშშ-ის პროგრამის გაერთიანებული მრავალეროვნული მზადყოფნის ცენტრის (JMRC) გამოცდილების გათვალისწინებით, ლიტვის რესპუბლიკის ,,გენერალ ადოლფოს რამანაუსკასის სახელობის საბრძოლო მომზადების ცენტრის“ სასწავლო კურსის შესაბამისად დაიგეგმა.

ქართველი დამკვირვებელ-შემფასებლები 2016-2017 წლებში ლიტველი სამხედრო ექსპერტების მიერ მომზადდნენ და ნატო-საქართველოს წვრთნებისა და შეფასების ერთობლივი ცენტრის (JTEC) დამკირვებელ-შემფასებლების სერტიფიკატები გადაეცათ.