სამინისტროების ოპტიმიზაციის შესახებ არასამთავრობო ორგანიზაციების შეფასებას საქართველოს პრემიერ-მინისტრი გიორგი კვირიკაშვილი გამოეხმაურა. მისი თქმით იგი ამ შეფასებას არ ეთანხმება:

„ოპტიმიზაციის საკითხები სისტემურად არ მომხდარა, თორემ ეს კონკრეტიკაში იქნებოდა განხილული. ყველა ასეთი საკადრო საკითხი წყდება სამინისტროში მინისტრის დონეზე და არა მთავრობის სხდომის დონეზე.

მე, რა თქმა უნდა, არ ვეთანხმები ამ შეფასებას. ჩვენ მაქსიმალურად გავუფრთხილდით ადამიანებს, სადაც შესაძლებელი იყო, დავტოვეთ თანამშრომლები, სადაც საჭირო იყო, რომ ოპტიმიზაცია გაკეთებულიყო, გამომდინარე საბიუჯეტო პარამეტრებიდან და გამომდინარე ქვეყნის განვითარების პრიორიტეტებიდან, იმ ნაწილში მივიღეთ გადაწყვეტილება.

ამ ფორმატში, ძალიან ძნელია ანალიზის გაკეთება, ძირითადად, რაც შემიძლია გითხრათ, ვფიქრობ, რომ ეს არის არაობიექტური“, - განაცხადა პრემიერმა.

საქართველოს ახალგაზრდა იურისტთა ასოციაციაციამ ჩაატარა კვლევა, რომელიც საჯარო დაწესებულებებში საბიუჯეტო სახსრების შემცირებისა და რეორგანიზაციის პროცესს შეეხება.