„თქვენს მიერ შემოთავაზებული საარჩევნო სისტემა იგივეა, რაც მუსოლინიმ შესთავაზა იტალიის პარლამენტს“- რატიანი ხელისუფლებას

პოლიტიკა - 15:24, 03 May, 2017

1059

მოძრაობა თავისუფლებისთვის- ევროპული საქართველოს წევრმა სერგო რატიანმა საკონსტიტუციო ცვლილებებთან დაკავშირებით პარლამენტის პლენარულ სხდომაზე ისაუბრა. რატიანმა უმრავლესობა გააკრიტიკა და აღნიშნა, რომ 26 წლის განმავლობაში საქართველოს პოლიტიკურ სისტემას ერთიდაიგივე პრობლემა აქვს პირველ ადგილზე გასულს მუდმივად სურს გადაჭარბებული ძალაუფლება.

„არ მასვენებს შემეცნებითი ინტერესი იმასთან დაკავშირებით რომ გამეგო იტალიელი ფაშისტების ის სისტემა თქვენ თითონ მიხვედით აქამდე თუ მაინც ისტორიას ჩახედეთ და ამითი ხელმძღვანელობდით, მაინც აკადემიური ინტერესი არ მასვენებს. ჩვენს ქვეყანას ძალიან მნიშვნელოვანი ცვლილებები ელის კონსტიტუცია არის დოკუმენტი რომლითაც შემდეგი უახლესი ისტორია განისაზღვრება და ბუნებრივი არის რომ ჩვენ უნდა გვესმოდეს რომ ამ კონსტიტუციის ცვლილებაზე უნდა დავეკითოთ ხალხს. მათი მოსაზრება გავიგოთ და ამ მიმართულებით იყო ჩვენი ევროპული საქართველოს ინიციატივა, რომ პლებისციტი ჩაგვეტარებინა და გამოგვეკითხა ხალხი და გაგვეკთებინა საერთო სახალხო გამოკითხვა იმასთან დაკავშირებით თუ როგორი კონსტიტუცია აინტერესებს მოსახლეობას. მინდა გითხრათ რომ 26 წლის განმავლობაში ჩვენს პოლიტიკურ სისტემას ერთიდაიგივე პრობლემა აქვს ის რომ პირველ ადგილზე გასულს მუდამ სურს ქონდეს გადაჭარბებული ძალაუფლება და პირველ ადგილზე გასულს მუდმივად სურს მოგებულმა წაიღოს ყველაფერი და გადაჭარბებული ძალაუფლებით მართოს ხელისუფლება“- განაცხადა რატიანმა.