ევა გოცირიძე ჟურნალისტური ეთიკის ქარტიას ტერმინების არასწორ ინტერპრეტაციაში ადანაშაულებს

პოლიტიკა - 09:56, 03 May, 2017

1117

იუსტიციის უმაღლესი საბჭოს წევრი ევა გოცირიძე ჟურნალისტური ეთიკის ქარტიას აკრიტიკებს.

გოცირიძე ქარტიას ტერმინების არასწორ ინტერპერტირებაში ადანაშაულებს და ამბობს, რომ მათ არავის სისხლის სამართლებრივი დასჯა არ მოუთხოვიათ.

როგორც ევა გორიცირძე წერს, იუსტიციის უმაღლესი საბჭოს წევრები ელოდნენ, რომ ქარტია უკეთ დაინახავდა თემის პრობლემატურობას.

„ქარტიამ არცერთი ჩვენი წუხილი არ გაიზიარა. ვფიქრობ, რომ ისინი კარგად არჩაუკვირდნენ საქმის არსს და ძალიან ხისტი პასუხი გასცა იუსტიციის უმაღლეს საბჭოს. მათ ჰქონდათ განცხადებაში მითითებული ასეთ რამ, რომ მათთვის გაუგებარი იყო ის თითქოს ჟურნალისტებს ეკისრებათ თვითშეზღუდვის ვალდებულება და თვითცენზურის ვალდებულება.

მე ვფიქრობ, რომ ამ ქარტიამ არასწორი ინტერპრეტაცია მოახდინა ამ ტერმინებისა. ჩვენ არ მოგვითხოვია არავის სისხლის სამართლებრივი დასჯა, არ მოგვითხოვია, რომ დაწესდეს ცილისწამების გამო სისხლის სამართლებრივი პასუხისმგებლობა. ჩვენ დავაყენეთ საკითხი, რომ ხომ არ შევაფასოთ არის თუ არა რეაგირების საშუალებები ადეკვატური,“-განაცხადა ევა გოცირიძე.

ჟურნალისტური ეთიკის ქარტიაში კი აცხადებენ, რომ მათ უკვე გასცეს იუსტიციის უმაღლეს საბჭოს შესაბამისი პასუხი და აღარ აპირებენ დისკუსიაში ჩართვას.

„ჟურნალისტური ეთიკის ქარტიის საბჭომ, იუსტიციის უმაღლეს საბჭოს და ევა გოცირიძეს უპასუხა საკუთარი განცხადებით, ამიტომ აღარ აპირებს ამ დისკუსიაში შესვლას. ჩვენი პოზიცია იქ ძალიან ცხადად არის ჩამოყალიბებული და ამ უსტარულრეჟიმში წერილებზე პასუხს აღარ ვაპირებთ,“-აცხადებს ნატა ძველიშვილი.