ჭყონდიდის მიტროპოლიტი მეუფე პეტრე ე.წ. ციანიდის საქმეზე საპატრიარქოს ადვოკატის მიერ გაკეთებულ განცხადებაზე კომენტირებისას, შორენა თეთრუაშვილზე საუბრობს. გადაცემა „არჩევანის“ პირდაპირ ეთერში მეუფე პეტრე ცაავამ მის შესახებ ისტორია გაიხსენა:

„პირადად მე რაც შემემთხვა, როდესაც ოჯახური სიახლოვე მაკავშირებდა ამ უწყებაში დანიშნულ ერთ-ერთ პირველ პირთან, როდესაც დაინიშნა, მძიმე ჯვარი იყო და საპასუხისმგებლო, მომივიდა აზრად, რომ პატრიართან მიმეყვანა, რათა დაელოცა და გაეძლიერებინა, შეთანხმებით მივედი, მდივანთან არ შემოთანხმებია, შევათანხმე პატრიარქთან, ავედით, ოჯახთან ერთად დალოცა პატრიარქმა, წარმატებები უსურვა, ეს ქალი იყო ძალიან აღშფოთებული, რომ ამ ფაქტის წინაშე დადგა, მის გარეშე პიროვნება მივიყვანეთ პატრიართან და დალოცა, მეორე დღეს ასეთი სცენარი ვითარდება, იბარებენ საპატრიარქოში, ეუბნებიან, რომ მეუფე პეტრე არის მტერი და თუ მასთან ურთიერთობას არ გაწყვეტ, შენ დაკარგავ სამსახურს, რა თქმა უნდა ადამიანი ვერ უძლებს, არ აღმოაჩნდა ვაჟკაცობა და ემორჩილება ამ ზეწოლას, უფრო მეტიც, არა თუ ურთიერთობას წყვეტს, საკუთარ შვილსაც ეუბნება, რომ ურთიერთობა გაწყვიტოს ჩემთან. მე მას მივწერე ესემესით, რომ ილია ჭავჭავაძის მკვლელებსაც ეგონათ, რომ საქართველოს მტერი იყო და ვინც ეს სცენარი მოაწყო, პატრიარქის თანდასწრებით ხდება თან, უწმინდესი თვითონ ვერ მიხვდა რა ხდებოდა, მაგრამ მღვდელი მისი თანდასწრებით ეუბნება ამას და ეუბნება ურთიერთობა გაწყვიტოს მეუფე პეტრესთან. ვუთხარი, რომ ადამიანი, ვინც ამას ბედავს და ის გარემოცვა, არის სწორედ მტერი პატრიარქის, ეკლესიისა და საქართველოსი, მე კი მათი მტერი ვარ და ვიქნები. შესაბამისად საპატრიარქოს რამდენიმე მაღარლ იერარქს ვუყვები ამას, პატრიარქთან მივდივარ და მოვახსენე ყველაფერი, ვუთხარი, თქვენო უწმონდესობავ, ღმერთს ვთხოვ-მეთქი, რომ ამ ქვეყნიდან ისე წავიდე, რომ არ ვიცოდე რომელმა მღვდელმა გაბედა ეს, მაგრამ ტქვენს ინტერესებში უნდა იყოს, რომ თქვენ ეს გამოიძიოთ-მეთქი, მაგრამ ვინც ამას ბედავს ტქვენს ზურგს უკან, ისინი არიან თქვენი, ეკლესიისა და საქართველოს მტრები-მეთქი, მე თქვენი მტერბის მტერი ვიქნები-მეთქი“, - განაცხადა მეუფე პეტრემ.