ჭყონდიდის მიტროპოლიტი მეუფე პეტრე ე.წ. ციანიდის საქმეზე საპატრიარქოს ადვოკატის მიერ გაკეთებულ განცხადებაზე კომენტირებისას, შორენა თეთრუაშვილზე საუბრობს. გადაცემა „არჩევანის“ პირდაპირ ეთერში მეუფემ განაცხადა, რომ მოწამვლის თემა შორენა თეთრუაშვილის თემაა:

„მე გავიხსენებდი შემთხვევას, როდესაც ხელისუფლება ბრძანდებოდა საპატრიარქოში და ის ჩანაწერები მოვისმინეთ, რაც ძალიან უხერხული იყო და რაც მე შევაფასე, რომ ეს არის სახე იმისა, თუ როგორი გარემოცვაა დღეს საპატრიარქოში, რა თქმა უნდა არანაირ გამართლებას ამ ჩანაწერში, რომელიც აგენტ-პროვოკატორის, ეს ჩემი შეფასებაა, თუ ვინმე უწოდებს მას ოქროს მოწმეს, მე აგენტ-პროვოკატორად მოვიხსენიებ. ჩანაწერებში ჩანს როგორ პროვოკაციებზეა წამოგებული დეკანოზი გიორგი. არა ერთხელ მითქვამს, რომ შესაძლო მოწამვლის თემა ყოველთვის უკავშირდება ქალბატონს. მღვდელმთავრებთან როდესაც გვიმსჯელია, ასეთი მმართველობა, როდესაც ეკლესია ასე გაიზარდა, სისტემურად უფრო გამართვას საჭიროებს, შიში ჩნდებოდა, რომც მოხდეს და ეს ქალი მოერიდოს იძულების წესით საპატრიარქოს, არანაირი გარანტია არ გვქონდა იმისა, რომ ამ შემთხვევაში ტრაგედია არ დატრიალდება საპატრიარქოში, პატრიარქი ავად არ გახდება და ან უარესი. თემა, პატრიარქის მოწამვლისა, ეს მისი თემაა და თუ ვინმე გამკეთებელია, ეს არიან ის შემსრულებლები, რომლებიც ახლაც ჩანან“, - განაცხადა მეუფე პეტრემ.