„ბავშვთა სამყაროს“ ხანძრის შედეგად დაზარალებული მოვაჭრეების ადვოკატები მთავარ პროკურორთან, ირაკლი შოთაძესთან შეხვედრას გეგმავენ. ამის შესახებ დაზარალებულების ადვოკატებმა პროკურატურის გენერალური ინსპექციის წარმომადგენლებთან შეხვედრის შემდეგ განაცხადეს.

ადვოკატ მარიკა არევაძეის თქმით, შეხვედრაზე გააცნეს ყველა ის მოთხოვნა, რაც საჩივარში ჰქონდათ დაფიქსირებული.

ადვოკატი იმედოვნებს, რომ ირაკლი შოთაძესთან შეხვედრის შემდეგ მთავარი პროკურორი თავის თავზე აიღებს სისხლის სამართლის საქმეზე პასუხისმგებელი პირების დროულად დადგენას და გამოძიების ეფექტურად დასრულებას.