სამორინეებისა და სიგარ ბარების გარდა, მოწევა ყველა დახურულ შენობაში აიკრძალება

პოლიტიკა - 09:58, 02 May, 2017

9185

ჯანდაცვის კომიტეტი დღეს თამბაქოს მოხმარებასთან დაკავშირებულ საკანონმდებლო პაკეტს მეორე მოსმენით განიხილავს. ცვლილებების პაკეტი რეკლამირების შეზღუდვასთან ერთად, ითვალისწინებს მოწევის სრულ აკრძალვას ყველა ტიპის შენობაში, გარდა საცხოვრებელი სახლისა და საპატიმრო დაწესებულებებისა.

საკანონმდებლო პაკეტთან დაკავშირებით შენიშვნები ჰქონდა მთავრობას, თუმცა როგორც უმრავლესობაში აღნიშნავენ, ამ თემაზე კონსენსუსი უკვე მიღწეულია.

„შეზღუდვას დახურულ შენობებში თამბაქოს მოხმარების, ეს ეხება კაფე, რესტორნები, ბარები, კლუბები და ა.შ. გარდა სამორინეებისა და სიგარ ბარებისა. იქნა მიღწეული შეთანხმება, რომ ეს გამონაკლისები დაიშვება,“ - განაცხადა ჯანდაცვის კომიტეტის თავმჯდომარემ აკაკი ზოიძემ.

ცვლილებებს თამბაქოს შესახებ კანონში მხარს უჭერს საპარლამენტო ოპოზიციაც.

„პრინციპულ საკითხებს ვუჭერთ მხარს, რომ საქართველოში შემცირდეს მაქსიმალურად ზიანი თამბაქოსგან მიყენებული და განსაკუთრებით ეს ეხება ხალხს, რომელიც არ ეწევა და არიან ე.წ. მეორადი მწეველები. გვქონდა ბევრი შენიშვნა, სადაც რეალისტურობაზე იყო აქცენტი გაკეთებული,“ - აცხადებს გიგი წერეთელი.

კანონში შესატან ცვლილებებთან დაკავშირებით შენიშვნები აქვთ ნაციონალურ მოძრაობაში, თუმცა პარტიაში ამბობენ, რომ ცვლილებების არსებით ნაწილს მხარს უჭერენ.

დღევანდელ სხდომას დაესწრება ჯანმრთელობისმსოფლიო ორგანიზაციის ექსპერტთა ჯგუფი. ისინისაკანონმდებლო პაკეტის მხარდაჭერას უზრუნველყოფენ.