ლევან მურუსიძის მოსამართლედ უვადოდ დანიშვნაზე კენჭისყრა გადაიდო, აღნიშნულ საკითხზე იუსტიციის უმაღლესი საბჭო რამდენიმე დღეში შეიკრიბება. საბჭოს წევრები მიიჩნევენ, რომ მოსამართლეები უვადოდ ახალი რეგულაციის მიხედვით უნდა დაინიშნონ.

„ნებისმიერი სამართლებრივი ნორმა ვრცელდება ამ ნორმის შემდეგ მიღებულ სამართლებრივ ურთიერთობებზე. თუ ეს ნორმა უნდა გავრცელდეს ამ ნორმამდე არსებულ სამართლებრივ ურთიერთობებზე, ეს იმავე კანონით, რომლითაც ნორმაა მიღებული, უნდა იქნეს დარეგულირებული, უნდა ჰქონდეს უკუქცევითი ძალა მინიჭებული. მოცემულ შემთხვევაში, ამ ნორმას არ აქვს სამართლებრივი ძალა და წინარე სამართლებრივ ურთიერთობაზე მისი გავრცელება სამართლებრივი კოლიზეა იქნება,“ - განაცხადა საქართველოს იუსტიციის უმაღლესი საბჭოს წევრმა, ვახტანგ მჭედლიშვილმა.

აღნიშნულის თაობაზე საკუთარი არგუმენტები საქართველოს იუსტიციის უმაღლესი საბჭოს წევრს, ევა გოცირიძესაც აქვს:

„მე მაქვს ჩემი არგუმენტები, რა თქმა უნდა, მაგრამ მე თავს შევიკავებ დღეს ამ არგუმენტებზე საუბრისგან. საბჭომ ამ საკითხის განხილვა გადადო, რამდენიმე დღეში მივიღებთ გადაწყვეტილებას და მაშინ დამერწმუნეთ, რომ არ მომერიდება ჩემი მოსაზრებები მოგახსენოთ,“ - განაცხადა ევა გოცირიძემ.