დემოკრატიასთან ბრძოლა და ერთპარტიული მმართველობის წინაპირობა - სევდია უგრეხელიძე საკონსტიტუციო ცვლილებებს აპროტესტებს

პოლიტიკა - 11:54, 01 May, 2017

697

საკრებულოს დამოუკიდებელი დეპუტატის სევდია უგრეხელიძის თქმით, საკონსტიტუციო ცვლილებები რომელიც ხელისუფლებამ ხალხს შესთავაზა, დემოკრატიას საფრთხეს უქმნის და ერთპარტიული მმართველობის წინაპირობაა:

„ხელისუფლების მიერ შემუშავებული დოკუმენტის შეცვლა ხალხის დაკვეთაა, ეს არის საზოგადოების მოსაზრება, რომელიც საკონსტიტუციო კომისაიაზე არაერთხელ გაჟღერდა , მაგრამ რადგან არავინ არაფერი არ გაითვალისწინა, ყველა ძალამ დატოვა კომისია და სტიქიურად დაიწყო ეს სამოქალაოქ მოძრაობა, რომელიც ხალხის ხმას აჟღერებს. პირადად მე მიმაჩნია, რომ პრეზიდენტის პირდაპირი არჩევის წესის გაუქმება, ახალ, დამოუკიდებელ საქართველოსთან ბრძოლას ნიშნავს. ამ ინსტიტუციასთან ბრძოლა, არის ქართულ დემოკრატიასთან ბრძოლა, აქვს პრეზიდენტს დღეს როლი თუ არა, ის მაინც პირდაპირ უნდა იქნას არჩეული. ჩვენ მიერ ჩამოთვლილი ყველა პუნქტი მნიშვნელოვანია. ვაპროტესტებთ იმას, რომ ყველა გადაუნაწილებელი ხმა გამარჯვებულს მიაქვს, ეს ნიშნავს იმას, რომ გადავდივართ ერთპარტიულ მმართველობაში, რომ არ შეიძლება ბლოკი და იგივე საარჩევნო ბარიერი რჩება, ესეც ერთპარტიული მმართველობის წინაპირობაა. ქუთაისიდან პარლამენტის გადმოტანა ეს პიროვნებებთან ბრძოლის ნათელი მაგალითია. როგორც დღეს ისინი ებრძვიან მარგველაშვილს, ასევე ებრძვიან სააკაშვილს. იმდენად არადემოკრატიულ პროცესებთან გვაქვს საქმე, რომ აუცილებელი გახდა მსგავსი სამოქალაქო მოძრაობის შექმნა კონსტიტუციის დასაცავად.“- განაცხადა "ნიუპოსტთან" სევდია უგრეხელიძემ.