საგარეჯოს რაიონის სოფელ წყაროსთავიდან დაკარგული იოსებ გიგაური, რომელსაც პოლიცია ეძებდა, ნაპოვნია. 15 წლის მოზარდს მამის სახლში, სოფელ ზემო ქედში მიაგნეს. ამ დროისთვის იგი პოლიციის განყოფილებაში დაკითხვაზე იმყოფება.

ერთ-ერთი ადგილობრივი, რომლის ფერმაშიც მოზარდი მუშაობდა, მას ცხენებისა და სხვა ნივთების მოპარვაში ადანაშაულებს. 2 ცხენი, რომლის მოპარვაზეც იყო საუბარი, უკვე გადაეცა მფლობელს. პოლიციის განცხადებით ფაქტზე აღძრულია საქმე სისხლის სამართლის კოდექსის 177-ე მუხლის მეორე ნაწილით, რაც ქურდობას გულისხმობს.

მოზარდის მამის განცხადებით, მის შვილს ცემის კვალი აღენიშნება.

შეგახსენებთ, რომ იოსებ გიგაური 5 დღის წინ გაუჩინარდა.