საქართველოში სიტყვის თავისუფლების მდგომარეობასა და რუსთავი 2-ის საქმეზე კომენტარები გააკეთეს ამერიკის შეერთებული შტატების ყოფილმა და მოქმედმა ელჩებმა. დიპლომატების განცხადებით, ტავისუფალი მედია დემოკრატიისთვის კრიტიკული მნიშვნელობის ღირებულებაა. ელჩები საქართველოში დიპლომატიური ურთიერთობების 25 წლის თარიღთან დაკავშრებით იმყოფებიან:

„ბოლო წლებში ბევრჯერ მითქვამს, რომ სიტყვისა და მედიის თავისუფლება, მისი მრავალფეროვნება და ოპოზიციური მედიის არსებობა კრიტიკულად მნიშვნელოვანია დემოკრატიისთვის. ვერ შეინარჩუნებ ხალხის მხარდაჭერას, თუ მას არ ექნება ხმა, თუ ოპოზიციას არ ექნება ხმა და ვერ მოისმენს მოსახლეობა სხვადასხვა შეხედულებას, რომ შემდეგ დასკვნა თავად გააკეთოს“, - განაცხადა კენეტ სპენსერ იალოვიცმა.

რიჩარდ მაილსის განცხადებით, მას რუსთავი 2 სისი იმედი იყო საქართველოში მაშინ, როდესაც ქვეყანას რთული პერიოდი ჰქონდა და სურს, რომ ეს იმედი კვლავ მაუწყებლობდეს:

„როდესაც მე აქ ვიყავი, რუსთავი 2 ყველა პოლიტიკური საკითხის, დემოკრატიული ღირებულებებისთვის, ეკონომიკური და სხვა სირთულეების გადაჭრისთვის და ოპოზიციისთვის მნიშვნელოვანი ხმა იყო. ეს პრობლემები ამ დრომდე რჩება და ზოგი უფრო ინტენსიური გახდა. კომენტარს ვერ გავაკეთებს სასამართლოს გადაწყვეტილებებზე, რადგან აქტიურად ვეღარ ვადევნებ თვლას, თუმცა, ტელეკომპანია ნამდვილად დიდი იმედი იყო მაშინ, როდესაც საქართველოში რთული პერიოდი იყო. მინდა, რომ ეს იმედი კვლავ მაუწყებლობდეს“, - განაცხადა რიჩარდ მაილსმა.