„რესპუბლიკური პარტიის“ ერთ-ერთი ლიდერი ლევან ბერძენიშვილი ყოფილი თანაგუნდელის, დავით უსუფაშვილის პოლიტიკაში დაბრუნების შესახებ კომენტარს აკეთებს.

მისი განცხადებით, გასაგებია, რომ უსუფაშვილი პოლიტიკაში დაბრუნდა, მაგრამ გაუგებარია რა გუნდით და რა სახელით:

"პოლიტიკაში დაბრუნებას ვერავინ ვერავის დაუშლის. ბუნებრივია, რომ პოლიტიკაში იქნება, გავიგეთ, რომ პოლიტიკაში დაბრუნდა, მაგრამ ვერ გავიგეთ - რა გუნდით და სახელით. გუნდის ნახვამდე ვერ გეტყვით, არის თუ არა ხელისუფლების ალტერნატივა. რა თქმა უნდა, ერთი კაცი ალტერნატივა არ არის. ინტერესი დავკარგეთ. ეს ჩვენი წარსულია. ჩვენი საქმე გვაქვს", - ამბობს ლევან ბერძენიშვილი.

დავით უსუფაშვილის პოლიტიკაში დაბრუნების შესახებ დღეს მისივე განცხადების საფუძველზე გახდა ცნობილი.