„საგაზაფხულო შეტევა - პრეზიდენტის მიმართ სეზონური გართულება აქვთ“ - გოცირიძე კობახიძის ბრალდებებსა და უმრავლესობის პოზიციაზე

პოლიტიკა - 15:12, 28 Apr, 2017

1816

საქართველოს პარლამენტის თავმჯდომარის განცხადებას პრეზიდენტთან დაკავშირებით, ოპოზიციის რიგებიდან ეხმაურებიან.

კობახიძის ბრალდებებთან მიმართებით, „ნაციონალური მოძრაობის“ წარმომადგენელი რომან გოცირიძე აღნიშნავს, რომ პრეზიდენტზე მმართველ გუნდს „სეზონური გართულება აქვს“:

„პრეზიდენტის მიმართ მათ სეზონური გართულება აქვთ, ეს არის საგაზაფხულო შეტევა, ერთი შეხედვით კომისიის მიერ მიღებული ეს კონსტიტუცია, ერთი კვირის შემდეგ ხდება რევიზიის საგანი, ის, რომ საპრეზიდენტო არჩევნები შეიძლება ჩატარდეს არაპირდაპირ, ის რომ მაჟორიტარებს არ უნდა მაჟორიტარული სისტემის გაუქმება, ეს მიანიშნებს იმას, რომ მმართველ ხელისუფლებაში რეალურად არ არსებობს გადაწყვეტილების მიმღები“, - აცხადებს რომან გოცირიძე.

საქართველოს პარლამენტის თავმჯდომარე მოსამართლეებს შეხვდა. ირაკლი კობახიძემ მათ საკონსტიტუციო ცვლილებების პაკეტი გააცნო. შეხვედრის დასრულების შემდეგ კობახიძემ კომენტარი პრეზიდენტის არჩევის წესზე გააკეთა. მან ასევე ისაუბრა იმ გარემოებებთან დაკავშირებით რა შემთხვევაშიც მოხდება პრეზიდენტის არჩევის წესის ცვლილება. მან ასევე აღნიშნა, რომ პრეზიდენტი მონაწილეობს პარლამენტის წინააღმდეგ მიმართულ კამპანიაში. ამ გარემოებებს ასახელებს მნიშვნელოვან ფაქტორად ირაკლი კობახიძე.