"ღოღობერიძე მაღალი თანამდებობის პირს ზეწოლაში ადანაშაულებს" - დაკავებულის ადვოკატი სკანდალურ ინფორმაციას ავრცელებს

პოლიტიკა - 09:30, 28 Apr, 2017

2752

ბათუმში არეულობის მოწყობის ორგანიზებით დაკავებული მერაბ ღოღობერიძე მაღალი თანამდებობის პირს ზეწოლაში ადანაშაულებს - სკანდალური ინფორმაცია რამდენიმე წუთის წინ დაკავებულის ადვოკატმა პაატა შავაძემ გაავრცელა.

მისი თქმით, ოღობერიძე ამბობს, რომ მასთან მაღალი თანამდებობის პირი იმყოფებოდა, რომელმაც ბათუმის არეულობის ორგანიზატორად სუსი-ს თანამშრომლის, ვინმე ყიფიანის დასახელება მოსთხოვა, სანაცვლოდ კი 20 000 ლარიანი გირაოს სანაცვლოდ გათავისუფლებას დაჰპირდა.

"ღოღობერიძის განმარტებით, 2017 წლის 25 აპრილს მასთან იმყოფოდა თანამდებობის პირი, რომლის სახელს და გვარს მისი უსაფრთხოებიდან გამომდინარე ჯერჯერობით არ ამხელს. ამ პიროვნებამ ღოღობერიძეს წინასწარი დაკავების დაწესებულებაში მიმდინარე საქმის გამომძიებლის, უჩა კახიძის გამოძახება მოსთხოვა, რომლისთვისაც უნდა მიეცა ჩვენება. ამ ჩვენების მიხედვით ღოღობერიძეს უნდა ემხილა სახელმწიფო უსაფრთხოების სამსახურის თანამშრომელი, ვიღაც ყოფიანი, როგორც აჭარაში არეულობის დამკვეთი, რომელიც 11-12 მარტს მოხდა. შესაბამისად, მერაბ ღოღობერიძის პასუხი ამ მითითებაზე იყო უარყოფითი. მერაბ ღოღობერიძეს მიაჩნია და განმარტავს, რომ არეულობა, რომელიც აჭარაში მოხდა, ეს იყო დაპირისპირება სუს-სა და შსს -ს შორის. ის შეეწირა ამ ორ უწყებას შორის დაპირისპირებას", - განაცხადა პაატა შავაძემ ჟურნალისტებთან საუბრისას.