"ხალხო, ხომ კარგად ხართ? ვერ წარმოვიდგენდი, ამაზეც განმარტებები თუ უნდა მეწერა"- გრიგოლია "მღვდელთმსახურად კურთხევაზე"

სოც.მედია - 12:58, 26 Apr, 2017

30979

მედიაში გავრცელებულ ინფორმაციას იმის შესახებ, რომ პარტია „გირჩის“ მიერ დაფუძნებულმა რელიგიურმა ორგანიზაციამ ინგა გრიგოლიას მღვდელთმსახურის წოდება მიანიჭა, ტელეწამყვანი ფეისბუკზე ეხმაურება. ინგა გროგოლიას თქმით, აღნიშნული ფაქტი უბრალო ხუმრობა იყო და ის ვერც იფიქრებდა, რომ ამაზე სერიოზული განმარტებების გაკეთება დასჭირდებოდა:

„გავიღვიძე და ინბოქსი აფეთქებული დამხვდა, მართლა მღვდელმთავრობა მომანიჭეს თუ არა, სერიოზულად არკვევენ, შფოთავენ.. მაგრად ვიცინე, მაგრამ მერე ერთი-ორი ზარიც, რომ გაისმა, ჟურნალისტი ვარო,მივხვდი, რამე უნდა დამეწერა.

ხალხო, ხომ კარგად ხართ? რა სასულიერო პირი.. რა მღვდელმსახური )))))) ვინც სერიოზულად მწერს, განვუმარტავ - გუშინ ,,რეაქცია,, იყო ,,გირჩის ,,ბიბლიურ თავისუფლებაზე", ხოდა პირდაპირ ეთერში ვარკვევდით, რომ ჩამეწერა მათ მოწმობაში ვინმეს სახელი და გვარი, ავტომატურად მიიღებდნენ თუ არა თავის ეკლესიაში და დაიხსნიდნენ თუ არა ჯარიდან, ხოდა ამის საილუსტრაციოდ ჩავწერე ჩემი სახელი და გვარი. მერე ამ ფოტოზე მე და იაგო ხვიჩიამ ფბ-ზე ვიღადავეთ და სულ ეგ იყო. არ მჯერა, რომ ამ ყველაფერს მართლა გიხსნით, მაგრამ აშკარად საჭირო გახდა ხომ მილიონ სისულელეს შევსწრებივარ, მაგრამ ამაზეც განმარტებები თუ უნდა მეწერა, ვერ წარმოვიდგენდი“- წერს ინგა გრიგოლია ფეისბუკზე