ბათუმის არეულობების ორგანიზებაში ბრალდებულ ორ პირს გუშინ სასამართლომ ორთვიანი წინასწარი პატიმრობა შეუფარდა. აღნიშნულს პოლიტიკური პარტიების რიგებში ეხმაურებიან.

მმართველი გუნდის რიგებში დარწმუნებულები არიან, რომ ბრალდებას საკმარისი მტკიცებულებები აქვს და ეს საქმის არსებითი განხილვის დროს გამოჩნდება.

„ეს პიროვნება პირადად მე მახსოვს საკმაოდ აგრესიული განცხადებებით იმ დღეს სატელევიზიო ეთერიდან, რაც შეეხება საქმის მასალებს, ვერ ვიტყვი რა არის საქმის მასალებში, მაგრამ რადგან გამოძიებამ ასეთი გადაწყვეტილება მიიღო და ეს გადაწყვეტილება სასამართლოს გადაწყვეტილებითაც დადასტურდა, ეს მაფიქრებინებს, რომ ამ ეტაპზე არის საკმარისი მასალები იმისათვის, რომ ეს ადამიანი იყოს წინასწარ პატიმრობაში“, - განაცხადა კობა ნარჩემაშვილმა.