"ჩემს შვილს ახსოვს აფხაზეთის ომი და იმიტომ იბრძვის რუსეთის წინააღმდეგ"

"ჩემს შვილს ახსოვს აფხაზეთის ომი და იმიტომ იბრძვის რუსეთის წინააღმდეგ" - ჩხვირკიას დედა

პოლიტიკა - 10:20, 26 Apr, 2017

4117

ირაკლი ჩხვირკიას დედა, ცისანა როსტობაია, საქალაქო სასამართლოს გადაწყვეტილებას პოლიტიკურს უწოდებს.

„ნამდვილად მქონდა იმის იმედი, რომ მოსამართლე სამართლიან გადაწყვეტილებას გამოაცხადებდა იმიტომ, რომ პროკურატურის ბრალდებები ძალიან უსუსური იყო, წაიკითხეს დაწერილი და არცერთ შეკითხვას პასუხი არ გასცეს. დადეს ცრუ მოწმეები ჩვენება. ამაზე უმტკიცებენ ამათ ბრალდებას,“ - აცხადებს ცისანა როსტობაია.

მისი თქმით, როდესაც ირაკლი ბათუმში ჩავიდა, ქალაქი უკვე გადამწვარი იყო.

"ეს არის პოლიტიკური რა თქმა უნდა, მე ბოლო წუთამდე არ გამიყვანია ჩემი შვილი აფხაზეთის ომიდან, მე ვიყავი მედიცინის მუშაკი და ბოლო წუთამდე ვემსახურე ომში დაჭრილებს, ჩემი შვილის რისკის ფასად, უკრაინის ბოლო გემით დავტოვე ქალაქი, როდესაც სოხუმი უკვე იწვოდა. ჩემს შვილს ახსოვს აფხაზეთის ომი და იმიტომ იბრძვის რუსეთის წინააღმდეგ, რომ უნდა დაბრუნება სახლში, ჩემი შვილი ლტოლვილობაში, გაჭირვებაში, მარტოობაში გავზარდე უპატიოსნესი, მე დასაკარგი არაფერი არ მაქვს, მე ამას ასე არ დავტოვებ“, - აცხადებს ცისანა როსტობაია.

11-12 მარტს აჭარის პოლიციის მთავარ სამმართველოსთან მომხდარის გამო სისხლის სამართლის ბრალდებით დაკავებულ ორ პირს, მერაბ ღოღობერიძეს და ირაკლი ჩხვირკიას ბათუმის საქალაქო სასამართლომ აღკვეთის ღონისიების სახით წინასწარი პატიმრობა შეუფარდა.