კახა კალაძე "ყაზტრანსგაზთან" და "ინტერ-რაოსთან" დავებს გამოეხმაურა

პოლიტიკა - 09:49, 26 Apr, 2017

1409

საქართველოს ენერგეტიკის მინისტრი კომპანია "ინტერ რაოს" და “ყაზტრანსგაზის" მხრიდან საქართველოს მთავრობასთან დაწყებულ დავებს გამოეხმაურა. კახა კალაძე ვარაუდობს რომ მოლაპაპარაკებების შედეგად საქართველოს მტავრობა ორივე კომპანიასთან შეძლებს პრობლემის მოგვარებას:

"რამდენიმე დღის წინ მივიღეთ შეტყობინება არბიტრაჟთან დაკავშირებით. ჩვენ მაქსიმალურად ყველაფერს გავაკეთებთ იმისთვის, რომ მოვემზადოთ და წარმოვადგინოთ შესაბამისი დოკუმენტაცია. შესაძლოა, არბიტრაჟამდე არც მივიდეს საქმე. ეს არის საკმაოდ ხანგრლივი პროცესი", - განაცხადა კალაძემ “ინტერ რაოსთან“ დაკავშირებით.

რაც შეეხება “ყაზტრანსგაზის" სარჩელს, მინისტრი ყაზახური კომპანიის შემთხვევაშიც იგივე იმედს გამოთქვამს:

„ყაზტრანსგაზთან დაკავშირებით ძალიან ბევრჯერ გაქვთ მოსმენილი ჩემი განცხადებები, მთავრობის განწყობა იმასთან დაკავშირებით, რომ ჩვენი მოთხოვნა იყო დაბრუნებულიყო ყაზახური მენეჯმენტი მმართველობაში. სამწუხაროდ, ეს ვერ შედგა. სხვა დამატებით საკითხებზე თავს შევიკავებ კომენტარის გაკეთებისგან, რადგან ჩემი კომენტარი შესაძლოა გამოყენებული იყოს არბიტრაჟში ამ საქმეზე. ეს გადაწყვეტილება მოულოდნელი იყო, რადგან არაერთხელ გაკეთებულა განცხადებები, რომ ისინი დაბრუნებულიყვნენ მენეჯმენტში. ამ ეტაპზე გრძელდება მოლაპარაკებები და შესაძლოა არ მივიდეს საქმე არბიტრაჟში" - განაცხადა კალაძემ.

შეგახსენებთ, ყაზახურმა "ყაზტრანსგაზმა" საქართველოს მთავრობას საარბიტრაჟო სასამართლოში უჩივლა. კომპანია, რომელმაც შვილობილი "ყაზტრანსგაზ თბილისის" გაყიდვა ვერ შეძლო, ახლა მასზე კონტროლის დასაბრუნებლად იბრძვის. რაც შეეხება "ინტერ-რაოს" ის საქართველოს მთავრობას საარბიტრაჟო სასამართლოშიუჩივის და ლარის გაუფასურების გამო კომპენსაციას ითხოვს. კომპანია ათეულმილიონიან ზარალზე ლაპარაკობს.