ხელისუფლება, რომელიც ძალაუფლების მარტივად მიღებას ცდილობს, ცუდად ამთავრებს

ხელისუფლება, რომელიც ძალაუფლების მარტივად მიღებას ცდილობს, ცუდად ამთავრებს - გია ხუხაშვილი

პოლიტიკა - 10:15, 25 Apr, 2017

3197

საკონსტიტუციო ცვლილებები - არასამთავრობო ორგანიზაციები და ექსპერტები, ხელისუფლებისგან საზოგადოებრივი აზრის გათვალისწინებისკენ მოუწოდებენ.

სამოქალაქო სექტორი ოპოზიციის მიერ დღეს დაგეგმილ შეხვედრასაც დაესწრებიან.

ირაკლი ტაბლიაშვილი თემის შეფასებისას ამბობს, რომ კონსტუტუციის ფარგლებში ხელისუფლებისგან მოითხოვენ, რომ სრულყოფილი დოკუმენტი მიიღონ.

“დღეს ხელისუფლება გვეუბნება ჩვენ, დამოუკიდებლად იმისა, რას ვფიქრობთ კრიტიკოსები, ის მაინც გაიტანს კონსტიტუციის ამ პროექტს. ჩემთვის, როგორც რიგითი მოქალაქისთვის, ეს არის აბსოლუტურად მიუღებელი. აქედან გამომდინარე, კანონიერ ფარგლებში ბუნებრივია, მე ვიტყვი, მეც და ბევრიც, ჩვენს სათქმელს, კრიტიკულ მოსაზრებებს გამოვთქვამთ და მოვთხოვთ ხელისუფლებას მიიღოს მეტ-ნაკლებად სრულყოფილი დოკუმენტი,“ - განაცხადა ირაკლი ტაბლიაშვილმა.

გია ხუხაშვილი კი იმედოვნებს, რომ პროექტის ძალაში შესვლამდე ხელისუფლება გადაწყვეტილებას შეიცვლის.

გია ხუხაშვილის შეფასეით, ხელისუფლება, რომელიც ძალაუფლების მარტივად მიღებას ცდილობს, საბოლოო ჯამში „ცუდად ამთავრებს“.

„ჯერ კანონი ძალაში არ არის შესული და იქნებ კიდევ გონს მოეგონ. მე რა თქმა უნდა ჩავერთვები, საჯაროდაც და სხვანაირადაც მზად ვარ რომ ეს საქმე ვაკეთო. ამით ჩვენ დავიცავთ პირველ რიგში ხელისუფლებას, იმიტომ, რომ ხელისუფლება, რომელიც ცდილობს, რომ რაც შეიძლება მეტი ძალაუფლება მარტივად მიიღოს, ასეთი ხელისუფლებები ძალიან ცუდად ამთავრებენ,“-აცხადებს გია ხუხაშვილი.