ოპოზიცია კონსტიტუციის "ქართული ოცნებისგან" დაცვას ერთიანი ძალით აპირებს

პოლიტიკა - 10:19, 25 Apr, 2017

1385

ოპოზიცია საქართველოს კონსტიტუციის დასაცავად ერთიანდება, დღეს სასტუმრო რუმსში ოპოზიციის წარმომადგენლები სამომავლო გეგმებზე იმსჯელებენ. ისინი მოილაპარაკებენ იმ ფორმაზე, რომლითაც ქართული ოცნების მიერ წარმოდგენილ საკონსტიტუციო ცვლილებებთან დაპირისპირებას გეგმავენ.

ენმ-ს წევრის ნიკა რურუას თქმით საკონსტიტუციო ცვლილებების დოკუმენტი არადემოკრატიულია და თურქმენიზაციის წინაპირობას წარმოადგენს:

მანიფესტაცია იქნება, საქმიანი ბჭობა თუ კამათი , მივიღებ მეც მონაწილეობას. იგივეს ვთხოვ სხვებსაც. „ძალია ცუდი დოკუმენტი, საქართველოში არადემოკრატიული რეჟიმისა, თურქმენიზაციის წინაპირობა.“- განაცხადა ნიკა რურუამ.

ევროპული საქართველო ხელმოწერების შეგროვება და პლებისციტის მოთხოვნას განიხილავს.

„არსებობს სხვადახხვა მოსაზრებები პარტიებში, თუ როგორ გავუწიოთ წინააღმდეგობა ივანიშილის გაუგონარ სითავხედეს, ჩვენი ვარიანტია ხელმოწერების შეგროვება და პლებისციტის მოთხოვნა. ეს იქნება ნათელი მაგალითი იმისა, რომ მოხდეს საერთო სახალხო მობილიზება ქართული ოცნების ამ ნაბიჯის წინააღმდეგ“- განაცხადა ზურაბ ჭიაბერაშვილმა.

პოლიტიკური მოძრაობის სახელმწიფო ხალხისთვის თავმჯდომარე კონსტიტუციის დაცვის მიზნით საზოგადოებრიობის მონაწილოების აუცილებელობაზე ამახვილებს ყურადღებას.

„კონსტიტუციის დაცვა არის აუცილებელი და ამაში საზოგადოების მონაწილეობა არის გარდუვალად საჭირო. თუ როგორ იქნება ფორმატები შემდგომი პროცესებისა და შიონაარსები ამაზე შეჯერებას შევეცდებით“- განაცხადა ნიკა მაჭუტაძემ.

მოსახლეობის ინფორმირების აუცილებლობაზე საუბრობს ახალი მემარჯვენეების

"ისინი საქმის კურსში უნდა იყვნენ, რას უმზადებს მათ ქართული ოცნება".- განაცხადა მამუკა კაციტაძემ.

მმართველი გუნდი ოპოზიციის ბრალდებებს უაყოფს:

"როგორც ჩანს, ოპონენტები ვერ ეგუებიან, რომ ჩვენ გვაქვს პროგრესული, ევროპული ტიპის ცვლილებების შეტანის სურვილი," - განაცხადა პარლამენტის ფრაქცია ქართული ოცნების თავმჯდომარე მამუკა მდინარაძემ.