გოგაშვილის მიერ განხორციელებული შესაძლო ელიტური კორუფციის სქემა - არასამთავრობოები საქმის გამოძიებას ითხოვენ

პოლიტიკა - 18:10, 24 Apr, 2017

4623

არასამთავრობო ორგანიზაციების წარმომადგენლები სახელმწიფო უსაფრთხოების სამსახურის ხელმძღვანელის მოადგილის, სოსო გოგაშვილის მიერ ქონების არაკნონიერად შესაძლო მოპოვების საქმეზე გამოძიების დაწყების აუცილებლობაზე საუბრობენ.

„საფუძველი იმისა, რომ ვივარაუდოთ, რომ კორუფციის ნიშნები არსებობს, ნამდვილად ჩვენ გვაქვს,“ - განაცხადა ინფორმაციის თავისუფლების განვითარების ინსტიტუტის (IDFI) დირექტორმა, გიორგი კლდიაშვილმა.

არასამთავრობო ორგანიზაცია საერთაშორისო გამჭვირვალობა - საქართველოს აღმასრულებელი დირექტორს, ეკა გიგაურს იმის მოლოდინი არ აქვს, რომ ანტიკორუფციული სამსახური, რომელიც სუს-ის ნაწილია, საკუთარი ხელმძღვანელის წინააღმდეგ საფუძვლიან გამოძიებას დაიწყებს.

„მაგალითად ბალტიისპირეთში, როდესაც სახელმწიფომ ელიტური კორუფციის წინააღმდეგ ბრძოლა გადაწყვიტა, მაშინ მათ გადაწყვიტეს დამოუკიდებელი, ანტიკორუფციული სამსახურების შემქნა,“ - განაცხადა ეკა გიგაურმა.

საერთაშორისო გამჭვირვალობა - საქართველოს მკვლევარი, ლაშა სენაშვილი კი აცხადებს, რომ საქართველოში სახელმწიფო საწარმოები ხშირ შემთხვევაში ახლობლების დასაქმების აგდილებად არის გადაქცეული.

პოსტსკრიპტუმში გასული სიუჟეტის მიხედვით, სოსო გოგაშვილს რამდენიმე წელისოციალურად დაუცველის სტატუსი ჰქონდა, თანამდებობაზე დანიშვნის შემდეგ კი მალემილიონერი გახდა. არსებული ქონება გოგაშვილმა ცოლის დებზე გადააფორმა.