ნაციონალურ მოძრაობაში აცხადებენ, რომ ბათუმის მოვლენების გამო, ირაკლი ჩხვირკიას დაკავება ხელისუფლების მიერ მისივე დანაშაულის გადაფარვას ისახავს მიზნად.

მიუხედავად იმისა რომ ცნობილი მოვლენების შემდეგ დაკავებული ნაციონალური მოძრაობის რიგებიდან გარიცხეს, ენმ - ში ამბობენ, რომ პარტია დაკავებულს მხარს უჭრს.

"ივანიშვილის რეჟიმი აგრძელებს საქართველოს მოქალაქეების პოლიტიკურად მოტივირებულ დევნას, რისი კიდევ ერთი გამოვლინებაც არის ირაკლი ჩხვირკიას დაკავება ბათუმის მოვლენების ორგანიზების აბსურდული ბრალდებით. აშკარაა, რომ რეჟიმი რეპრესიების ახალი ტალღით ცდილობს საკუთარი უმძიმესი დანაშაულების გადაფარვას.

ირაკლი ჩხვირკია პარტიული განაწესის დარღვევის გამო აღარ არის ერთიანი ნაციონალური მოძრაობის წევრი, თუმცა ერთია პარტიული დისციპლინის დარღვევა და მეორე - სისხლის სამართლის მძიმე დანაშაული, რაშიც მას ივანიშვილის პროკურატურა ბრალს სდებს. არ უნდა დაგვავიწყდეს, რომ ხელისუფლების უმაღლესი თანამდებობის პირები პირველივე დღიდან ცდილობდნენ ამ მოვლენების პოლიტიზებას და მათ გამოყენებას ოპოზიციის წინააღმდეგ.

ენმ ყველანაირად მხარს დაუჭერს ირაკლი ჩხვირკიას"- ნათქვამია განცხადებაში.