“შემაჯამებელი სხდომის წინ, კომისიის შემადგენლობის შეცვლა არის სრულიად აბსურდული და უსუსური რეაქცია”

“შემაჯამებელი სხდომის წინ, კომისიის შემადგენლობის შეცვლა არის სრულიად აბსურდული და უსუსური რეაქცია” – ნიკოლოზ მაჭუტაძე

პოლიტიკა - 14:49, 23 Apr, 2017

3141

საკონსტიტუციო კომისიის თავმჯდომარის, ირაკლი კობახიძის მიერ, კომისიის სემაჯამებელ სხდომამდე ერთი დღით ადრე, კომისიის შემადგენლობის შეცვლას ეხმაურება ,,სახელმწიფო ხალხისთვის“ ლიდერი. ნიკა მაჭუტაძე, რომელმაც პირველმა დატოვა საკონსტიტუციო კომისია, მიიჩნევს, რომ საკონსტიტუციო კომისიის მიერ წარმოებული ,,ე.წ. რეფორმა არის აბსოლუტურად არალეგიტიმური პროცესი“.

,,პარლამენტის თავმჯდომარის გადაწყვეტილება კიდევ ერთხელ ნათელყოფს იმას, რომ ხელისუფლებას, საპარლამენტო უმრავლესობას არ აქვს განცდა პოლიტიკური და პროცედურული ეთიკის.

ისინი არ სცნობენ ინსტიტუტებს და ორგანოებს, რომლითაც მუშაობს დემოკრატია“ - აცხადებს მაჭუტაძე.

მისივე თქმით, ხელისუფლება გადაწყვეტილებებში ხელმძღვანელობს მხოლოდ საკუთარი ვიწროპარტიული ინტერესებით და მას უქვემდებარებს ყველა იურიდიულ, ნორმატიულ აქტს იქნება ეს კომისიის დებულება, კანონები თუ კონსტიტუცია.

,,ხელისუფლება ისევე მოექცა სახელმწიფო საკონსტიტუციო კომისიის დებულებას, როგორც ექცევიან ყველა ნორმატიულ აქტს და მათ შორის უმაღლეს იურიდიულ და პოლიტიკურ დოკუმენტს, კონსტიტუციას. მათთვის პროცედურული წესები, დემოკრატია , იურიდიული ეთიკა არის აბსოლუტურად უცხო რამ. მათ ამ ცნებებთან არ აქვთ საერთო და ეს ადამიანები არიან ძალიან საშიში ქართული დემოკრატიისთვის, რაც გამოიხატება იმ პროცესში, რომელსაც პირდაპირ ჰქვია სახელმწიფო ხელისუფლების შტოების უზურპაციის მცდელობა, რომელიც საღდება საკონსტიტუციო რეფორმის სახელით

საკონსტიტუციო კომისიას აღარ აქვს არანაირი ლეგიტიმაცია. შემაჯამებელი სხდომის წინა დღეს კომისიის შემადგენლობის შეცვლა არის სრულიად აბსურდული და უსუსური რეაქცია იმ პროცესზე, რომელიც დავიწყეთ ჩვენ და რომელსაც გამოეხმაურა მთელი ოპოზიცია. კიდევ ერთხელ დადასტურდა, რომ წ ე.წ საკონსტიტუციო რეფორმა არის აბსოლუტურად არალეგიტიმური პროცესი“ - განაცხადა ნიკა მაჭუტაძემ ნიუპოსტთან.