ჯაფოშვილის ბრალდება კილაძეს და ,,ქრონიკა+ის“ რედაქტორის პასუხი

ჯაფოშვილის ბრალდება კილაძეს და ,,ქრონიკა+ის“ რედაქტორის პასუხი - ,,უკაცრავად თუ დაშიფრული მოწმე გაიშიფრა“

პოლიტიკა - 16:02, 22 Apr, 2017

7901

ალექსანდრე ჯაფოშვილი ქრონიკა პლუსის რედაქტორ ელისო კილაძეს უდანაშაულობის პრეზუმფციის დარღვევაში ადანაშაულებს და ჟურნალისტის წინააღმდეგ სარჩელის შეტანას გეგმავს.

მისი თქმით, ჟურნალისტმა იმ სამართალდამცველებს შორის დაასახელა, ვინც ელისო კილაძის შვილის დაკავებაში მონაწილეობდა.

ჯაფოშვილი ამბობს, რომ პოლიციაში 2004 წლიდან არ მუშაობს.

“2004 წელს, როცა რეორგანიზაცია მოხდა და ძველი, პროფესიონალი თანამშრომლები გამოგვიშვეს ამის შემდეგ მე პოლიციასთან შეხება არ მქონია. შეგიძლიათ კადრებში მიხვიდეთ, ჩემი საქმე ამოიღოთ იქ ყველაფერი ნათლად არის ასახული“- განცახადა ჯაფოშვილმა.

მისი თქმით დავით ხარშილაძის საქმესთან შეხება არასდროს ჰქონია.

„არვ ვიცნობ ვინ არიან ისინი. ამ სამქესთან არანაირი შემხებლობა არ მაქვს. პროკურატურასთან და პოლიციასთან არავითარი შეხება არ მქონია. ამ ქალბატონმა კი უდანაშაულობის რეზუმფცია დაარღვია, მე ამ საქმეს ბოლომდე მივყვები“- აღნიშნა ჯაფოშვილმა.

განცხადებას ქრონიკა პლუსის რედაქტორი გამოეხმაურა. ელისო კილაძის განცხადებით, ალექსანდრე ჯაფოშვილი 2016 წლის მონაცემებით, საპატრულო პოლიციის თანამშრომელია და თბილისის პროკურატურამ ის მოწმის სტატუსითაც დაკითხა.

„თბილისის პროკურატურაში დაწყებული გამოძიების ფარგლებში ამ ადამიანის პირადი ნომერი ნამდვილად დაფიქსირებულია. ამ პირადობით კი ეს სახელი და გვარი იძებნება. მე შეძლებისდაგვარად გადავამოწმე და როცა ამბობს რომ 2004 წლის მერე არ უმუშავია, ის 2016 წლამდე პოლიციის რიგებში იროცხებოდა. თუ მას აქვს სურვილი საჩივარი შეიტანოს, ეს მისი უფლებაა. უკაცრავად და თუ დაშიფრული მოწმე გაიშიფრა, პირადი ნომერი და სახელი და გვარი ერთმანეთს არ ემთხვევა, ეს ჩემი დეტალები არ არის. ეს დეტალები სრულიად სახვა სისტემაშია გასარკვევი. ველოდები სარჩელს"- აცხადებს ელისო კილაძე.