,,ნარკოტიკებთან ბრძოლის სამმართველო განაგრძობს ჩემი შვილის საქმის მასალების ფაბრიკაციას“

,,ნარკოტიკებთან ბრძოლის სამმართველო განაგრძობს ჩემი შვილის საქმის მასალების ფაბრიკაციას“ - კილაძე

პოლიტიკა - 13:11, 21 Apr, 2017

2203

ქრონიკა + - ის რედაქტორი ელისო კილაძე მისი შვილის დავით ხარშილაძის საკნიდან გაყვანის დეტალებზე "ნიუპოსტთან" საუბრობს.

როგორც კილაძემ განაცხადა, ხარშილაძე გუშინ საღამოს გლდანის მერვე დაწესებულებიდან გაიყვანეს და მიიყვანეს სასამართლოში ისე, რომ ადვოკატებს ამის შესახებ ინფორმაცია არ ჰქონდათ.

„შინაგან საქმეთა სამინისტროს ნარკოტიკებთან ბრძოლის სამმართველო განაგრძობს ჩემი შვილის საქმის მასალების ფაბრიკაციას. გუშინ, გამომძიბელმა ქუმელაშვილმა, რომელიც პირადად მონაწილეობს ამ საქმის შეკერვაში გლდანის ციხიდან გაიყვანეს სასამართლოში წაიყვანეს და ჩვენ ეს ყველაფერი სრულიად შემთხვევით გავიგეთ. როცა ადვოკატი ნათია კორკოტაძე იმყოფებოდა პატიმრის მოსანახულებლად მას უთხრეს, რომ წაყვანილია სასამართლოში ადმინისტრაციული წესით. ჩემს შვილს ყავს სამი ადვოკატი და არცერთი ამის თაობაზე არ იყო ინფორმირებული.

გამოძიებას სჭირდებოდა დამატებითი მტკიცებულება იმისათვის, რომ ის არის ნარკოტიკების მომხმარებელი. კლინიკური დათვალიერებით, როგორც ექიმმა განაცხადა, მას ნარკოტიკული თრობის ნიშნები არ აღენიშნება. ტესტი ჩაუტარდა ორჯერ და ორივეჯერ იყო სრულიად სუფთა, მათში ვერ მოახერხეს ფაბრიკაცია იმიტომ, რომ ამ ყველაფერს ესწრებოდა სახალხო დამცველის წარმომადგენელი, პროკურორი, რომელიც ჩამოაშორეს საქმეს და ადვოკატი არჩილ ჩუბინიძე.

გარდა ამისა, ღრმა ლაბორატორიული კვლევით მას დაუდგინდა იმ ნივთიერების მოხმარება, რომელიც ჩაუდეს რეალურად ნარკოლოგს ეუბნებოდნენ პოლიციელები, რომ ბიო უნდა ამოსულიყო იმიტომ, რომ თავიდან საქმის მასალებში, ჩადებული იყო ე.წ ბიო“- განაცხადა ჟურნალისტმა „ნიუპოსტთან“.