შსს-ს მაღალჩინოსანი ხარშილაძის დაკავების საქმეში - ელისო კილაძე დეტალებს ასაჯაროებს

პოლიტიკა - 12:06, 21 Apr, 2017

6174

ქრონიკა + - ის რედაქტორი მისი შვილის, დავით ხარშილაძის დაკავების ირგვლივ დამატებით ინფორმაციას ასაჯაროევს.

როგორც ელისო კილაძემ სპეციალურ პრესკომფერენციაზე აღნიშნა, ხარშილაძის დაკავებას პირადად აკვირდებოდა შს სამინისტროს მაღალჩინოსანი რამაზ თარაშვილი.

ჟურნალისტის თქმით, ეს უკანასკნელი სპორტის სასახლის მიმდებარე ტერიტორიაზე საკუთარი ავტომობილით იმყოფებოდა.

კილაძე ამბობს, რომ ამაზ თარაშვილი იოსებ გოგაშვილის რეკომენდაციით არის დანიშნული.

"შემთხვევის ადგილას იმყოფებოდა შსს-ს ერთ-ერთი მაღალჩინოსანი. კადრში გამოჩნდა მისი სამსახურეობრივი მანქანა. ვინ არის ამ ავტომობილის მფლობელი? ეს არის შსს-ს მაღალჩინოსანი რამაზ თარაშვილი, მთავარი სამმართველოს უფროსი ნარკოტიკებთან ბრძოლის კუთხით. მინისტრის მოადგილის რანგი აქვს ლამის. ის იმყოფებოდა დაკავების ადგილას. მე როგორც ვიცი, რამაზ თარაშვილი არის დაკითხული.ეს არის ადამიანი, რომელიც არის გოგაშვილის რეკომენდირებული ამ თანამდებობაზე. არავინ იცის რა წარსული აქვს, არ არსებობს მისი დეკლარაცია და ის არის უშუალოდ გოგაშვილის დავალებების შემსრულებელი. კადრში ჩანს რომ ის ბოლოს ტოვებს შემთხვევის ადგილს და ჩემი შვილის ჩვენების მიხედვით, ნარკოტიკი, რომელიც ჩემს შვილს ჩაუდეს შსს-ს მაღალჩინოსნის, რამაზ ხარშილაძის მანქანიდან ამოიღეს"- აცხადებს კილაძე.