საქართველოს ოკუპირებულ ტერიტორიებთან დაკავშრებით მთავრობის რიგებში განმარტებები კეთდება. სოზარ სუბარი მიიჩნევს, რომ შექმნილ ვითარებაში ბრძოლის ერთერთი საშუალება საქართველოს გაძლიერებაა:

„2008 წლის აგვისტოში მიხეილ სააკაშვილმა მოახერხა, რომ გადაეფარა მსოფლიოსთვის 4 წელიწადში ერთხელ ყველაზე დიდი მოვლენა რაც არის, პეკინის ოლიმპიადა. ჩვენ აღარ გვინდა ასეთი გადაფარვები, აღარ გვინდა ასეთი კაშკაში. ჩვენ გვინდა განვავითაროთ სახელმწიფო,“-აცხადებს სუბარი.

შეგახსენებთ, რომ 18 აპრილს ოკუპირებულ აფხაზეთში რუსეთის ფედერაციის საგარეო საქმეთა მინისტრი სერგეი ლავროვი ჩავიდა, იგი სოხუმში რუსეთის ე.წ. საელჩოს გახსნას დაესწრო, შეხვდა დე ფაქტო მთავრობის წევრებსა და დე ფაქტო პრეზიდენტს.